హైదరాబాద్: దళపతి విజయ్ హీరోగా నటించిన జన నాయగన్ (తెలుగులో జన నాయకుడు) మూవీకి మద్రాస్ హైకోర్టు డివిజన్ బెంచ్లో బిగ్ షాక్ తగిలింది. జననాయగన్ సినిమాకు U/A సర్టిఫికెట్ ఇవ్వాలన్న హైకోర్టు సింగిల్ బెంచ్ ఆదేశాలపై డివిజన్ బెంచ్ స్టే విధించింది. కేసు తదుపరి విచారణను 2026, జనవరి 21కి వాయిదా వేసింది. దీంతో జన నాయగన్ మూవీ సంక్రాంతి రేసు నుంచి అఫిషియల్గా ఔట్ అయ్యింది.
విజయ్ జన నాయగన్ మూవీకి కొన్ని అభ్యంతరాలు వ్యక్తం సెంట్రల్ బోర్డ్ ఆఫ్ ఫిల్మ్ సర్టిఫికేషన్ (CBFC) సెన్సార్ సర్టిఫికెట్ జారీ చేయలేదు. దీంతో సీబీఎఫ్సీ నిర్ణయాన్ని సవాల్ చేస్తూ జన నాయగన్ మూవీ నిర్మాత మద్రాస్ హైకోర్టులో రిట్ పిటిషన్ దాఖలు చేశారు. ఈ పిటిషన్పై విచారణ చేపట్టిన హైకోర్టు సింగిల్ బెంచ్.. జన నాయగన్ మూవీకి U/A 16+ సర్టిఫికెట్ ఇవ్వాలని CBFCను ఆదేశించింది.
►ALSO READ | Akhanda 2 OTT Release: ఓటీటీలోకి వచ్చేసిన బాలయ్య ‘అఖండ 2: తాండవం’.. స్ట్రీమింగ్ ఎక్కడంటే?
ఈ క్రమంలో హైకోర్టు సింగిల్ బెంచ్ తీర్పును సెన్సార్ బోర్డు డివిజన్ బెంచ్లో ఛాలెంజ్ చేసింది. CBFC అప్పీల్ను శుక్రవారం (జనవరి 9) విచారించిన డివిజన్ బెంచ్.. జన నాయగన్ మూవీకి U/A 16+ సర్టిఫికెట్ ఇవ్వాలని సింగిల్ బెంచ్ ఇచ్చిన తీర్పుపై స్టే విధించింది. అనంతరం ఈ కేసు విచారణను 2026, జనవరి 21కి వాయిదా వేసింది. డివిజన్ బెంచ్ నిర్ణయంతో విజయ్ జన నాయగన్ మూవీ పొంగల్ రేసు నుంచి అధికారికంగా తప్పుకున్నట్లైంది. దీంతో విజయ్ అభిమానులు తీవ్ర నిరాశకు గురవుతున్నారు.
