శుక్రవారం రాత్రి శంషాబాద్ పరిధి రాళ్లగూడ నుంచి హిమాయత్ సాగర్ వైపు వెళ్లే ఓఆర్ఆర్ సర్వీస్ రోడ్లో ఓ లారీ టైర్ పంక్చర్ కావడంతో డ్రైవర్ పక్కకు ఆపాడు. అదే టైమ్లో శంషాబాద్ నుంచి వస్తున్న ఓ ఆటో డ్రైవర్.. రోడ్డు పక్కన ఆగి ఉన్న ఈ లారీని గమనించకుండా ఓవర్ స్పీడ్తో వచ్చి ఢీకొట్టాడు. ఆటో ముందుభాగం లారీలోకి వెళ్లడంతో డ్రైవర్ అందులో ఇరుక్కుని తీవ్రంగా గాయపడ్డాడు. పోలీసులు అక్కడికి చేరుకుని అతడిని సేఫ్గా బయటికి తీసుకొచ్చి హాస్పిటల్కు తరలించారు. ఆటో డ్రైవర్ సెల్ఫోన్లో మాట్లాడుతూ డ్రైవింగ్ చేయడం వల్లే ప్రమాదం జరిగి ఉంటుందని పోలీసులు భావిస్తున్నారు. మరోవైపు శంషాబాద్ నుంచి గచ్చిబౌలి వైపు వెళ్తున్న ఓ డీసీఎంలో షార్ట్ సర్క్యూట్ కారణంగా మంటలు చెలరేగాయి. డ్రైవర్ డీసీఎంను పక్కకు ఆపి దిగిపోయాడు. క్షణాల్లో వెహికల్ మొత్తం మంటల్లో దగ్ధమైంది. ఫైర్ సిబ్బంది అక్కడికి చేరుకుని మంటలను ఆర్పివేశారు. – వెలుగు, శంషాబాద్
