మహేశ్.. ఆ పేరులోనే ఓ మత్తుందబ్బా అంటారు అమ్మాయిలు. అవును మరి, అందానికి కేరాఫ్ టాలీవుడ్ ప్రిన్స్ కదా. మోస్ట్ ఎలిజబుల్ బ్యాచిలర్ ఎవరు.. అంటే, ఇంకెవరు.. ప్రభాస్ అనేస్తారు. మరి, ప్రపంచంలో అందరినీ మించిన అందగాడు ఎవరు..? అంటే వచ్చే సమాధానం మాత్రం, రాబర్ట్ ప్యాటిన్సన్. బ్రిటన్కు చెందిన ఈ ‘బ్యాట్మ్యాన్’.. గోల్డెన్ రేషియోలో టాపర్ మరి. సైన్స్ ప్రకారం అంతే మరి. అందం డెఫినిషన్కు గ్రీక్ గోల్డెన్ రేషియో ఆఫ్ బ్యూటీ ఫై అనేది ఓ కొలత! ఆ లెక్కల ప్రకారం ఈ బ్యాట్మ్యాన్ స్కోరు 92.15%. కళ్లు, కనుబొమ్మలు, ముక్కు, పెదాలు, గదమ, దవడ, మొహం రూపును బట్టి అతగాడికి ఆ స్కోరొచ్చింది. కంప్యూటర్ మ్యాపింగ్ టెక్నిక్ ద్వారా టాప్ టెన్ లిస్టును తయారు చేశారు.
ఆ లిస్టు ప్రకారం బ్యాట్మ్యాన్ రాబర్ట్ ప్యాటిన్సన్ నుదురుకు 93.6%, కళ్ల పొజిషన్కు 94.7%, ముక్కు వెడల్పు, పొడవుకు 94.67, గదమకు 95.1, మొహం రూపు 91.1, ముక్కు బేస్కు 89.4, పెదాలకు 82% స్కోరు వచ్చింది. మొత్తంగా 92.15% స్కోరుతో ప్యాటిన్సన్.. ప్రపంచపు అందగాడు అయిపోయాడు. ఇక, ఆ తర్వాత 91.64% స్కోరుతో హాలీవుడ్ కొత్త సూపర్మ్యాన్ హెన్రీ కెవిల్ సెకండ్ ర్యాంక్ కొట్టేశాడు. 91.08 స్కోరుతో బ్రాడ్లీ కూపర్ మూడో ప్లేస్ సాధించాడు. బ్రాడ్పిట్ (90.51), జార్జ్ క్లూనీ (89.91), హ్యూ జాక్మాన్ (89.64), డేవిడ్ బెక్హాం (88.96), ఇద్రిస్ ఎల్బా (88.01), కాన్యీ వెస్ట్ (87.94), రయన్ గోస్లింగ్ (87.48) స్కోర్లతో టాప్టెన్లో చోటు దక్కించుకున్నారు.
