- ఢీకొట్టబోయిన సెప్టిక్ ట్యాంకర్
- పక్కకు తోసేసి ప్రాణాలు కోల్పోయిన అమ్మ
- మృతురాలు గర్భిణి
అయిజ : జోగులాంబ గద్వాల జిల్లాలోని అయిజ టీచర్స్ కాలనీకి చెందిన ఓ గర్భిణి తన పిల్లలను కాపాడి ప్రాణాలు కోల్పోయింది. టౌన్కు చెందిన నాగలక్ష్మి (28), రామకృష్ణ భార్యాభర్తలు. వీరికి సెప్టిక్ ట్యాంక్ క్లీన్ చేసే ట్యాంకర్ ఉంది. ఆదివారం ఒకరు తన సెప్టిక్ ట్యాంక్ క్లీన్ చేయాలని అడగ్గా...డ్రైవర్ లేడని, వేరే డ్రైవర్ ఉంటే తీసుకువెళ్లొచ్చని చెప్పారు. పట్టణానికి చెందిన ఓ వ్యక్తిని తీసుకువచ్చి సెప్టిక్ ట్యాంక్ క్లీనర్ ను తీసుకువెళ్లే ప్రయత్నం చేశాడు. అప్పటికే ఆ వాహనం రివర్స్ గేర్ లో ఉండడంతో వెనుకకు వెళ్లింది. నాగలక్ష్మి ఇద్దరు పిల్లలు అక్కడే ఆడుకుంటుండడంతో గమనించి వారిని కాపాడేందుకు పక్కకు తోసేసింది. ఎనిమిది నెలల గర్భిణి కావడంతో వేగంగా తప్పుకోలేకపోయింది. క్లీనర్ మెషీన్ బలంగా ఢీకొట్టడంతో గాయపడింది. ట్రీట్ మెంట్ కోసం కర్నూల్ కి తరలించగా, సోమవారం చనిపోయింది. నాగలక్ష్మికి ఇప్పటికే ఇద్దరు బిడ్డలు ఉన్నారు. ఎస్ఐ నరేశ్కుమార్ కేసు దర్యాప్తు చేస్తున్నారు.
మరిన్ని వార్తల కోసం : -
ఇకపై చదువులకు గ్రేడింగ్!
డ్రిప్ సాంక్షన్ చేస్తలేరు వేలల్లో అప్లికేషన్లు.. వందల్లో మంజూరు