రెబల్ స్టార్ ప్రభాస్ వెండితెరపై కనిపిస్తే అభిమానుల్లో ఆ పూనకాలే వేరు. ఇక ఆయన మొదటిసారి 'హారర్-కామెడీ' జానర్లో అడుగుపెడితే థియేటర్ల వద్ద ఆ సందడి ఎలా ఉంటుందో ఊహించుకోవడమే కష్టం. మారుతి దర్శకత్వంలో రూపొందిన 'ది రాజా సాబ్' చిత్రం ప్రపంచవ్యాప్తంగా జనవరి 9న ఘనంగా విడుదలైంది. ఇప్పటికే బాక్సాఫీస్ వద్ద ప్రకంపనలు సృష్టిస్తున్న ఈ సినిమా చుట్టూ ఇప్పుడు 'మొసలి' హంగామా సోషల్ మీడియాను షేక్ చేస్తోంది.
థియేటర్లలో మొసళ్ల రచ్చ..
'రాజా సాబ్' సినిమా విడుదల సందర్భంగా థియేటర్ల వద్ద అభిమానుల కోలాహలం హద్దులు దాటుతోంది. ఈ క్రమంలో కొన్ని వీడియోలు సోషల్ మీడియాలో విపరీతంగా వైరల్ అవుతున్నాయి. కొందరు అభిమానులు థియేటర్ లోపల ఏకంగా మొసళ్లను పట్టుకుని 'రాజా సాబ్.. రాజా సాబ్..' అని నినాదాలు చేస్తూ హంగామా సృష్టించారు.
Omg 😱 see the Rebels bring crocodile 🐊 to #RajaSaab movie theatres 🥵🔥💥#Prabhas 🔥🔥🥵 pic.twitter.com/4FuA3V1UdP
— ℙℝ𝔼𝔼𝕋𝕐 (@MySelf_Preety) January 8, 2026
అయితే, ఈ వీడియోలు చూసి సాధారణ ప్రేక్షకులు భయాందోళనకు గురయ్యారు. కానీ, అవి నిజమైన మొసళ్లు కావు, కేవలం డమ్మీ బొమ్మలు మాత్రమేనని తేలింది. ట్రైలర్లో ప్రభాస్ ఒక భారీ మొసలితో పోరాడే యాక్షన్ సీన్ హైలైట్గా నిలిచింది. ఆ సీన్ను సెలబ్రేట్ చేసుకోవడానికి అభిమానులు ఇలా డమ్మీ మొసళ్లతో థియేటర్లలో సందడి చేస్తున్నారు.
Oreyyy 😭😭😂😂🐊🐊🐊 pic.twitter.com/7C3EqXGTkl
— Prabhas Fan (@ivdsai) January 8, 2026
రాజా సాబ్ రాజసం
'ది రాజా సాబ్' కేవలం ఒక హారర్ సినిమా మాత్రమే కాదు, ఇందులో వింటేజ్ ప్రభాస్ను గుర్తుకు తెచ్చే వినోదం, రొమాన్స్ పుష్కలంగా ఉన్నాయి. ఈ చిత్రంలో ప్రభాస్ సరసన నిధి అగర్వాల్, మాళవిక మోహనన్, రిద్ది కుమార్ హీరోయిన్లుగా నటించారు. బాలీవుడ్ దిగ్గజాలు సంజయ్ దత్, బొమన్ ఇరానీ, జరీనా వాహబ్ వంటి స్టార్స్ కీలక పాత్రలు పోషించి సినిమాకు మరింత బలాన్ని చేకూర్చారు.
పీపుల్ మీడియా ఫ్యాక్టరీ బ్యానర్పై టీజీ విశ్వప్రసాద్ అత్యంత ప్రతిష్టాత్మకంగా, రాజీ పడకుండా భారీ బడ్జెట్తో ఈ చిత్రాన్ని నిర్మించారు. ఎస్.ఎస్. తమన్ అందించిన బ్యాక్ గ్రౌండ్ స్కోర్, ముఖ్యంగా హారర్ సీన్లలో వచ్చే సౌండ్ ఎఫెక్ట్స్ ప్రేక్షకులను సీటు అంచున కూర్చోబెడుతున్నాయి.
బాక్సాఫీస్ వద్ద ప్రభంజనం
సంక్రాంతి రేసులో అందరికంటే ముందుగా దిగిన 'రాజా సాబ్', రికార్డు స్థాయి వసూళ్ల దిశగా దూసుకుపోతోంది. మారుతి మార్క్ కామెడీ టైమింగ్, ప్రభాస్ స్వాగ్ కలవడంతో ఫ్యామిలీ ఆడియెన్స్కు కూడా ఈ సినిమా పండగ విందులా మారింది. ముఖ్యంగా సెకండ్ హాఫ్లో వచ్చే ట్విస్ట్లు, విజువల్ ఎఫెక్ట్స్ సినిమాకు ప్రాణంగా నిలిచాయని టాక్ వినిపిస్తోంది.
మొత్తానికి 'ది రాజా సాబ్' బాక్సాఫీస్ వద్దే కాదు, సోషల్ మీడియాలోనూ మొసలి వీడియోలతో ట్రెండింగ్లో ఉన్నాడు. ప్రభాస్ రేంజ్కు తగ్గట్లుగా ఈ సినిమా భారీ విజయానికి అడుగులు వేస్తోంది. పండగ సెలవులు కూడా తోడవ్వడంతో లాంగ్ రన్లో రాజా సాబ్ మరిన్ని రికార్డులను తిరగరాయడం ఖాయం అని మేకర్స్, అభిమానులు ధీమా వ్యక్తం చేస్తున్నారు.
