కోల్బెల్ట్,వెలుగు : మందమర్రి ఏరియా కేకే5 సింగరేణి అండర్ గ్రౌండ్ మైన్లోని పని స్థలాల్లో గాలి సప్లయ్ సక్రమంగా లేకపోవడంతో కార్మికులు తీవ్ర ఇబ్బందులు పడుతున్నారని ఏఐటీయూసీ బ్రాంచి సెక్రటరీ సలెంద్ర సత్యనారాయణ అన్నారు. గురువారం కేకే-5 గని కార్మికులను ఏఐటీయూసీ ప్రతినిధులు కలిసి సమస్యలు అడిగి తెలుసుకున్నారు. ఈ సందర్భంగా ఆయన మాట్లాడుతూ... గనిలోని 78వ ప్యానల్ పని స్థలం వద్ద కార్మికులకు సరిపడేంత గాలి సప్లయ్ చేయడంలో మైన్ఆఫీసర్లు నిర్లక్ష్యం చేస్తున్నారని ఆరోపించారు.
బోల్టర్ మిషన్వాటర్ లీకేజీ వల్ల పని స్థలాలు బురదమయంగా మారుతున్నాయని చెప్పారు. గని పని స్థలాల్లోని సమస్యలను మైన్ యాజమాన్యం వెంటనే పరిష్కరించాలని డిమాండ్ చేశారు. కార్యక్రమంలో బ్రాంచి అసిస్టెంట్సెక్రటరీ కంది శ్రీనివాస్, దేవసాని సాంబయ్య, పిట్ సెక్రటరీలు కొత్త తిరుపతి, వి.ప్రభాకర్, గాండ్ల సంపత్, కండె రాజ్కుమార్, శ్రీధర్, సంపత్, చందు, రాములు తదితరులు పాల్గొన్నారు.
