దేశంలో చలి తీవ్రత రోజురోజుకూ పెరుగుతూ వస్తోంది. ఇక ఉత్తర భారతంలో పరిస్థితి గురించైతే చెప్పక్కర్లేదు. అతి తక్కువ ఉష్ణోగ్రతలు నమోదవడంతో పాటు చల్లటి గాలులు జనాన్ని ఉక్కిరిబిక్కిరి చేస్తున్నాయి. అయితే ఈ చలికే మనం గజగజ వణికిపోతుంటే మరి మైనస్ 50 డిగ్రీల ఉష్ణోగ్రత నమోదైతే పరిస్థితి ఏంటి? ఊహించుకునేందుకే భయంగా ఉంది. కానీ రష్యాలోని ఓ ప్రాంతంలో మైనస్ 40 డిగ్రీల ఉష్ణోగ్రత నమోదవుతుండటంతో అత్యంత శీతల ప్రాంతంగా పేరుకెక్కింది.
రష్యాలోని యాకుట్స్క్ లో ఏటా శీతాకాలంలోనూ మైనస్ 40 డిగ్రీల సెల్సియస్ ఉష్ణోగ్రత నమోదవుతుంది. అయితే ఈ ఏడాది ఏకంగా మైనస్ 50 డిగ్రీల సెల్సియస్ కు ఉష్ణోగ్రతలు పడిపోవడంతో అక్కడి ప్రజలు చలికి వణికిపోతున్నారు. గతంలో ఇక్కడ టెంపరేచర్ మైనస్ 89.9 డిగ్రీ సెల్సియస్ కు పడిపోయిన సందర్భాలు కూడా ఉన్నాయి. అక్కడ సాధారణంగా డిసెంబర్ 1 నుండి ఫిబ్రవరి చివరి వరకు సున్నా డిగ్రీల ఉష్ణోగ్రత కన్నా తక్కువ టెంపరేచర్ నమోదవుతుంది.
