కోల్బెల్ట్, వెలుగు: పెద్దపల్లి ఎంపీగా కాంగ్రెస్అభ్యర్థి గడ్డం వంశీకృష్ణను గెలిపిస్తే ప్రజల కోసమే పనిచేస్తారని చెన్నూరు ఎమ్మెల్యే వివేక్వెంకటస్వామి అన్నారు. శుక్రవారం చెన్నూరు నియోజకవర్గం రామకృష్ణాపూర్లోని శివాజీనగర్లో ఏర్పాటు చేసిన కార్యక్రమంలో పలువురు బీజేపీ లీడర్లు, పాడి రైతులు ఆయన సమక్షంలో కాంగ్రెస్ లో చేరారు.
రాష్ట్ర సర్కార్చేపట్టిన సంక్షేమ పథకాల పట్ల ఆకర్షితులైన బీజేపీ, బీఆర్ఎస్ లీడర్లు పెద్ద ఎత్తున కాంగ్రెస్లో చేరుతున్నారన్నారు. ప్రజలకు సేవ చేస్తాడనే నమ్మకంతో వంశీకృష్ణకు కాంగ్రెస్ హైకమాండ్ఎంపీ టికెట్ఇచ్చిందని తెలిపారు. వంశీ గెలుపు కోసం కాంగ్రెస్ లీడర్లు, కార్యకర్తలు కలిసి పనిచేయాలని పిలుపునిచ్చారు. -కాంగ్రెస్లో చేరిన వారిలో బీజేపీ బీసీ మోర్చా టౌన్ప్రెసిడెంట్వీరమల్ల పాలరాజయ్య, ఎస్సీ మోర్చా ప్రెసిడెంట్బంగారి ప్రసాద్, జనరల్సెక్రటరీ శివ, బూత్అధ్యక్షుడు వేల్పుల రమేశ్, సంతోశ్, పాడిరైతుల సంఘం అధ్యక్షుడు పెంట రమేశ్యాదవ్, రాయమల్లు తదితరులు ఉన్నారు.
భీమారంలో బీఆర్ఎస్కు షాక్
భీమారం మండలంలో బీఆర్ఎస్కు షాక్ తగిలింది. శుక్రవారం మంచిర్యాలలోని ఎమ్మెల్యే నివాసంలో ఏర్పాటు చేసిన కార్యక్రమంలో మాజీ జడ్పీటీసీ, ఏడుగురు మాజీ సర్పంచులు, వార్డు మెంబర్లు, సింగిల్విండో సభ్యులతో పాటు 500 మంది బీఆర్ఎస్ కార్యకర్తలు కాంగ్రెస్లో చేరారు. ఎమ్మెల్యే వివేక్ వీరికి కాంగ్రెస్కండువా కప్పి పార్టీలోకి ఆహ్వానించారు. మందమర్రిలో కాంగ్రెస్ లీడర్ తుమ్మలశ్రీనివాస్ కూతురు హారిక సారీ ఫంక్షన్కు హాజరై చిన్నారిని ఎమ్మెల్యే వివేక్ఆశీర్వదించారు. రామకృష్ణాపూర్లోని భగత్సింగ్నగర్కు చెందిన కాంగ్రెస్ లీడర్ గూడ సత్తయ్య గృహాప్రవేశ కార్యక్రమానికి ఎమ్మెల్యే హాజరయ్యారు.
పెద్దపల్లి ఎంపీ అభ్యర్థి గడ్డం వంశీకృష్ణ గెలుపునకు కృషి చేస్తామని సింగరేణి రిటైర్డు కార్మికులు తెలిపారు. శుక్రవారం సాయంత్రం మందమర్రిలోని జీఎం ఆఫీస్ఏరియాలో పలువురు రిటైర్డు కార్మికులు ఎమ్మెల్యే వివేక్వెంకటస్వామితో మాట్లాడారు. ప్రజా సేవ చేస్తున్న కాకా కుటుంబానికి తమ మద్దతు ఎప్పటికి ఉంటుందని, యువకుడైన వంశీకృష్ణకు అండగా ఉంటామన్నారు.
