- థియేటర్లలో దోపిడీపై సంతకాలు సేకరించిన పీవైఎల్
- అడ్డుకున్న సంధ్య సిబ్బంది
ముషీరాబాద్, వెలుగు: రాష్ట్రంలో సినిమా థియేటర్లలో దోపిడీ పెరిగిపోయిందని, నియంత్రించాలని ప్రొగ్రెసివ్ యూత్ లీగ్ డిమాండ్ చేసింది. థియేటర్లలో ఎక్కువ ధరలకు సినిమా టికెట్లు అమ్మడం, స్నాక్స్ ధరలు వందల్లో ఉండడం, ఇతర సమస్యలపై శుక్రవారం ఆర్టీసీ క్రాస్ రోడ్స్లోని సంధ్యా థియేటర్లో ప్రేక్షకుల నుంచి సంతకాలను సేకరించారు.
సంఘం రాష్ట్ర ఉపాధ్యక్షుడు ఎం.రవికుమార్, గ్రేటర్ అధ్యక్షుడు బి.ఎస్.కృష్ణ, కార్యదర్శి కొల్లూరు భీమేష్ మాట్లాడుతూ.. కొత్త సినిమా విడుదల రోజున బెనిఫిట్ షోలు వేసి టికెట్లను రూ. వెయ్యి నుంచి 3 వేల వరకు వసూలు చేస్తున్నారని ఆరోపించారు.
సీఎం రేవంత్ రెడ్డి కూడా బెనిఫిట్ షోలు రద్దు చేస్తామని అసెంబ్లీలో ప్రకటించి చేతులెత్తారని ఆరోపించారు. కాగా, సంతకాలు సేకరిస్తుండగా సంధ్య థియేటర్ సిబ్బంది అడ్డుకోవడంతో కొంత ఉద్రిక్తత నెలకొంది.
