న్యూఢిల్లీ: టైర్ల తయారీ సంస్థ ఎంఆర్ఎఫ్ లిమిటెడ్ నికరలాభం (కన్సాలిడేటెడ్) సెప్టెంబర్‌‌‌‌‌‌‌‌‌‌‌‌‌‌‌‌తో ముగిసిన రెండవ క్వార్టర్లో వార్షికంగా నాలుగున్నర రెట్లు పెరిగి రూ. 586.66 కోట్లకు చేరుకుంది. అధిక రాబడి, ముడిసరుకు ఖర్చులు తగ్గడం ద్వారా భారీ లాభాన్ని సంపాదించామని కంపెనీ తెలిపింది. ఎంఆర్ఎఫ్ గత ఆర్థిక సంవత్సరం ఇదే క్వార్టర్లో రూ.129.86 కోట్ల లాభాన్ని ఆర్జించింది. ఈ క్వార్టర్లో కార్యకలాపాల ద్వారా ఆదాయం రూ. 6,217.1 కోట్లుగా ఉంది. ఇది అంతకు ముందు ఏడాది కాలంలో రూ.5,826.3 కోట్లుగా ఉంది. గత ఆర్థిక సంవత్సరం ఇదే కాలంలో రూ.4,161.18 కోట్లతో పోలిస్తే రెండో క్వార్టర్లో వినియోగించిన మెటీరియల్స్ ధర రూ.3,748.9 కోట్లకు తగ్గిందని కంపెనీ తెలిపింది.
