అనుకున్నదొక్కటి.. అయినది ఒక్కటి.. అన్నట్టు, శ్రీలంకలో గిన్నిస్ రికార్డు కొట్టేద్దామనుకున్న కొందరి ఆరాటం బెడిసికొట్టింది. అవును, ఒకటా.. రెండా 14 వేల ట్విన్స్ (కవలలు) పెయిర్స్ కలిస్తే ఎలా ఉంటుంది? రికార్డు కాదు కదా.. తలకాయనొప్పులు తెచ్చిపెట్టింది. ‘ఐలాండ్ ట్విన్స్’ పేరిట కొలంబోలో ‘గిన్నిస్’ రికార్డు కోసం ఈవెంట్ నిర్వహించారు. 5 వేల కవలల జతలతో రికార్డు కొట్టేద్దామనుకుంటే అంతకుమించి రావడంతో స్టేడియం కిక్కిరిసిపోయింది. వాళ్ల పేర్ల నమోదులో ఇబ్బందులు తలెత్తాయి. దీంతో గిన్నిస్ నిబంధనలూ పాటించలేకపోయారు. ట్విన్స్బర్త్ సర్టిపికెట్లు చెకింగ్తో పాటు, ట్విన్స్ ఫొటో తీయాలి. ఒక్కో జంటకు 5నిమిషాలు పట్టింది. టైం లేక చాలామంది వెనుదిరిగి వెళ్లిపోయారు. ‘రికార్డు కొట్టామా? లేదా? అనేది రెండు వారాల తర్వాత తెలుస్తుంది. రికార్డు కోసం మరో ఈవెంట్ నిర్వహిస్తాం’ అని ఆర్గనైజర్లు పేర్కొన్నారు. ప్రస్తుతం ఆ రికార్డు తైవాన్ పేరిట ఉంది. 1999లో 3,961 ట్విన్స్పెయిర్స్, 37 పెయిర్స్ ట్రిప్లెట్స్ (ముగ్గురు కవలలు), 4 పెయిర్స్ క్వాడ్రప్లెట్స్(నలుగురు కవలలు)తో ఈ రికార్డు నెలకొల్పారు.
