ట్రాఫిక్ రూల్స్ బ్రేక్ చేశారా..? చలాన్ కట్టేందుకు ఆఫర్

మరో ఆఫర్ ఇచ్చేందుకు ట్రాఫిక్ పోలీసుల యోచన

హైదరాబాద్, వెలుగు: వాహనదారులకు ట్రాఫిక్ పోలీసులు మరో బంపరాఫర్ ఇవ్వనున్నారు. రూల్స్ పాటిస్తూ పొరపాటున వాటిని బ్రేక్ చేసిన వాళ్లు చలాన్స్ను గడువులోపు కడితే 20 శాతం డిస్కౌంట్ ఇచ్చేందుకు ప్లాన్ చేస్తున్నారు. ట్విట్టర్‌‌, ఫేస్బుక్, వాట్సాప్ల ద్వారా ప్రజల నుంచి వస్తున్న సలహాలను పరిశీలిస్తున్న ట్రాఫిక్ పోలీసులు.. చలాన్లను విధించిన దగ్గర్నుంచి 15 లేదా 30 రోజుల్లోగా ఫైన్ చెల్లిస్తే ఈ ఆఫర్ వర్తింపజేసేందుకు గైడ్లైన్స్ రూపొందిస్తున్నారు. దానికి తగ్గట్టుగా ఈ–చలాన్ వెబ్సైట్ను అప్డేట్ చేయనున్నారు.
రెండు కేటగిరీలుగా..
ఇటీవల పెండింగ్ చలాన్ల క్లియరెన్స్ కోసం ట్రాఫిక్ పోలీసులు ఆఫర్ను ప్రకటించిన సంగతి తెలిసిందే. గడువు పూర్తయ్యాక కూడా వాహనదారుల నుంచి రిక్వెస్టులు పెరుగుతున్నాయి. ట్రాఫిక్ రూల్స్ను తప్పనిసరిగా పాటిస్తూ పొరపాటున బ్రేక్ చేసే కేసుల్లో చలాన్లలో ఆఫర్ ఇవ్వాలని కోరుతున్నారు. వారి సలహాలను పరిగణనలోకి తీసుకున్న అధికారులు.. రూల్స్ పాటించే వారిని, పాటించని వారిని గుర్తించి కేటగిరీలుగా విభజించనున్నారు. పెండింగ్ చలాన్ల క్లియరెన్స్ ఆధారంగా పదేపదే తప్పు చేస్తున్న వాళ్లెవరో గుర్గించనున్నారు. మార్చిలో అమల్లోకి తెచ్చిన డిస్కౌంట్ ఆఫర్ లో భాగంగా 83 శాతం మేర చలాన్లు క్లియర్ అయ్యాయి. ఆఫర్తో వాహనదారులకూ ఊరటలభించింది. మళ్లీ వాళ్ల వాహనాలపై చలాన్లు జనరేట్ కాకుండా
జాగ్రత్త పడుతున్నారు.