- ప్రభుత్వానికి టీఎస్ యూటీఎఫ్ డిమాండ్
హైదరాబాద్, వెలుగు: న్యాయపరమైన చిక్కులను తొలగించి టీచర్ల బదిలీలు, ప్రమోషన్ల ప్రక్రియను వెంటనే ప్రారంభించాలని టీఎస్ యూటీఎఫ్ రాష్ట్ర అధ్యక్షుడు జంగయ్య ప్రభుత్వాన్ని డిమాండ్ చేశారు. హైదరాబాద్లో ఆదివారం యూటీఎఫ్ రాష్ట్ర కార్యవర్గ సమావేశాలు రెండోరోజు ముగిశాయి. విద్యారంగ సమస్యలను పరిష్కరించడంలో సీఎం రేవంత్ రెడ్డి ప్రత్యేక చొరవ చూపాలని జంగయ్య కోరారు.
బడ్జెట్లో విద్యారంగానికి కేటాయింపులు స్వల్పంగా పెంచడం అభినందనీయమన్నారు. యూటీఎఫ్ రాష్ట్ర ప్రధాన కార్యదర్శి చావ రవి మాట్లాడుతూ.. ఎన్నికలలో ఇచ్చిన హామీ మేరకు సీపీఎస్ ను రద్దు చేయాలని ప్రభుత్వాన్ని కోరారు. పెండింగ్ లో ఉన్న 4 డీఏలను రిలీజ్ చేయాలని డిమాండ్ చేశారు. స్థానికత కోల్పోయిన జీవో 317 బాధిత టీచర్ల సమస్య పరిష్కరించాలని, స్పౌజ్ బదిలీలు చేపట్టాలని విజ్ఞప్తి చేశారు.
