ఘట్కేసర్, వెలుగు: గుప్తనిధుల కోసం తవ్వకాలు జరిపిన 8 మందిని పోచారం ఐటీ కారిడార్ పోలీసులు అరెస్టు చేశారు. పోచారం ఇన్ఫోసిస్ సమీపంలో ఎవరో గుంతలు తవ్వుతున్నారనే సమాచారం మేరకు సీఐ రాజువర్మ ఆధ్వర్యంలో పోలీసులు వెళ్లారు.
ఆ సమయంలో ఎనిమిది మంది కొబ్బరికాయలు కొట్టి నిమ్మకాయలు పెట్టి గడ్డపారలు, పారలతో తవ్వుతూ కనిపించారు. ఎందుకు తవ్వుతున్నారని ప్రశ్నించగా, సరైన సమాధానం చెప్పలేదు. రెట్టించి అడగ్గా, గుప్తనిధుల కోసం సెలవిచ్చారు.
దీంతో కీసర మండలం రాంపల్లికి చెందిన గడిపల్లి మహేశ్, గొలుసుల అజయ్, మిరియాల ప్రశాంత్ , అమ్మనమంచి హర్ష , బీనగోని శివ, ఊర్సు శివ, బొక్క విష్ణువర్ధన్రెడ్డి, బీగుడం అరవింద్ను అరెస్ట్చేశారు. వారి నుంచి ఒక కారు, గవ్వలు, పూజ సామగ్రి, రెండు బైక్ లు, 8 సెల్ ఫోన్లను స్వాధీనం చేసుకున్నారు.
