టాలీవుడ్ సూపర్ స్టార్ మహేష్ బాబు(Mahesh babu), మాటల మాంత్రికుడు త్రివిక్రమ్(Trivikram) కాంబోలో ముచ్చటాగా మూడోసారి వస్తున్న మూవీ గుంటూరు కారం(Guntur kaaram). ఈ సినిమాపై మహేష్ అభిమానుల్లో భారీ అంచనాలున్నాయి. అందుకు తగ్గట్టుగానే మేకర్స్ కూడా ఎక్కడా కాంప్రమైజ్ కాకుండా సినిమాను తెరకెక్కిస్తున్నారు. ఇప్పటికే సినిమా నుండి రిలీజైన పోస్టర్స్ అండ్ గ్లింప్స్ కు ఆడియన్స్ నుండి అదిరిపోయే రెస్పాన్స్ వచ్చింది.
అయితే తాజాగా ఈ సినిమా కథ గురించి వినిపిస్తున్న న్యూస్ ఒకటి సోషల్ మీడియాలో వైరల్ గా మారుతోంది. అదేంటంటే.. ఈ సినిమాలో మహేష్ విడిపోయిన తన అమ్మానాన్నలను కలిపేందుకు ప్రయత్నిస్తుంటాడట. ఇందుకోసమే ఫారన్ నుండి ఇండియా కు వస్తాడట మహేష్. అమరావతికి అటు పక్క ఊళ్ళో అమ్మ, ఇటు పక్కన ఊళ్ళో నాన్న ఉంటారట. అందుకే ఈ సినిమాకు ముందుగా అమరావతికి అటూ ఇటూ అనే టైటిల్ అనుకున్నారు మేకర్స్. కానీ మహేష్ అంటే మాసీగా ఉండాలి కదా అని గుంటూరు కారం ఫిక్స్ చేశారట మేకర్స్.
ఇక ఈ న్యూస్ చూసిన చాలా మంది నెటిజన్స్.. గుంటూరు కారం సినిమాను అత్తారింటికి దారేది(Atharintiki Daaredi) సినిమాతో పోల్చుతున్నారు. ఆ సినిమాలో అత్త కోసం, ఈ సినిమాలో అమ్మానాన్నల కోసం అంటూ ట్రోల్ చేస్తున్నారు. త్రివిక్రమ్ ఇక మారారా. ఎప్పడూ ఏవే కథలా.. తీసినవే ఎన్నిసార్లు తీస్తారు అంటూ కామెంట్స్ పెడుతున్నారు. మరి ఈ విషయంలో నిజమెంత అనేది తెలియాల్సి ఉంది.
