హైదరాబాద్, వెలుగు: అచ్చంపేట టీఆర్ఎస్ ఎమ్మెల్యే గువ్వల బాలరాజుకు హుజూరాబాద్ఉప ఎన్నిక తలనొప్పి తెచ్చిపెట్టింది. ఈ ఎన్నికలో బీజేపీ అభ్యర్థి ఈటల రాజేందర్గెలిస్తే తన పదవికి రాజీనామా చేస్తానని ఓ డిబేట్ సందర్భంలో సవాల్ చేసిన గువ్వలపై సోషల్ మీడియాలో ట్రోలింగ్ మొదలైంది. టీఆర్ఎస్ పార్టీ అభ్యర్థి గెల్లు శ్రీనివాస్ పై బీజేపీ అభ్యర్థి ఈటల రాజేందర్ ఘన విజయం సాధించడంతో గువ్వల మాట మీద నిలబడాలని వివిధ వర్గాలు డిమాండ్ చేస్తున్నాయి. గువ్వల బాలరాజు ఎక్కడంటూ వాట్సాప్, ఫేస్బుక్ లో సెటైర్లు కొనసాగుతుండగా, కొందరు ఆయనకే నేరుగా ఫోన్ చేశారు. ఫోన్లు, ట్రోలింగ్ఎక్కువ కావడంతో గువ్వల ఫోన్స్విచ్చాఫ్ పెట్టుకున్నారు. కొందరు 2018 ఎన్నికల్లో కాంగ్రెస్ అధికారంలోకి రాకపోతే నాలుక కోసుకుంటానని చెప్పిన సినీనటుడు, నిర్మాత బండ్ల గణేశ్తో గువ్వల బాలరాజును పోలుస్తూ మీమ్స్ చేస్తున్నారు.
