- అమెరికా ప్రెసిడెంట్ ట్రంప్ ఆంక్షలు
న్యూయార్క్: ప్రముఖ హార్వర్డ్ యూనివర్సిటీలో ఫారెన్ స్టూడెంట్ల ప్రవేశాలపై అమెరికా ప్రెసిడెంట్ డొనాల్డ్ ట్రంప్ నిషేధం విధించారు. ఈ వర్సిటీలో చైనీస్కమ్యూనిస్ట్ పార్టీ ఆధ్వర్యంలో జరిగిన ఆందోళనలపై ఇప్పటికే హోంల్యాండ్ సెక్యూరిటీ డిపార్ట్మెంట్ దర్యాప్తు జరుగుతున్నది. దర్యాప్తు ఆధారంగానే ప్రస్తుతం విదేశీ విద్యార్థుల అడ్మిషన్లపై నిషేధం విధిస్తూ ట్రంప్ నిర్ణయం తీసుకున్నారు. వర్సిటీలోని ఫారెన్ స్టూడెంట్లు హింసాత్మక ఘటనలకు పాల్పడుతున్నారని, వీటిపై నివేదిక అందించాలని ఆదేశించారు.
హింసాత్మక ఘటనలను అదుపు చేయాల్సి ఉన్నా వర్సిటీ యంత్రాంగం ఆ చర్యలు తీసుకోవడం లేదని, కోరిన నివేదికను కూడా అందజేయలేదని, అందుకే విదేశీ విద్యార్థుల చేరికపై నిషేధం విధిస్తున్నట్లు తాజాగా హోంల్యాండ్ సెక్యూరిటీ డిపార్టహెంట్ సెక్రటరీ క్రిస్టీ నోయెమ్ ప్రకటించారు. వర్సిటీకి సంబంధించిన ‘స్టూడెంట్ అండ్ ఎక్స్చేంజ్ విజిటర్ ప్రోగ్రామ్ (ఎస్ఈవీపీ)’ సర్టిఫికెట్ను రద్దు చేస్తున్నట్లు తెలిపారు. ఈ నిషేధం ప్రభావం ప్రస్తుతం హార్వర్డ్ వర్సిటీలో చదువుతున్న 6,800 మంది ఫారెన్ స్టూడెంట్లపైనా ఉంటుంది
