రోజుకో వార్తకో నిత్యం ట్రెండింగ్ లో నిలుస్తోన్న ట్విట్టర్ అధినేత ఎలాన్ మస్క్.. ఇప్పటికే ట్విట్టర్ లో చాలా మార్పులు చేశారు. ఇప్పుడు తాజాగా మరో కొత్త నిర్ణయంతో చర్చనీయాంశంగా మారారు. మైక్రోబ్లాగింగ్ ప్లాట్‌ఫారమ్ అయిన ట్విట్టర్ లో మనం ఏ డివైజ్ నుంచి పోస్ట్ చేస్తున్నామో చూపే ట్యాగ్ ను తీసివేశారు. ఈ విషయాన్ని స్వయంగా ఆయనే ధృవీకరించారు. అంటే మనం ట్విట్టర్లో ఏదైనా పోస్ట్ చేసినపుడు చూపించే ట్వీట్ ఫర్ ఐఫోన్, ట్వీట్ ఫర్ ఆండ్రాయిడ్ అని చూపించే లేబుల్ ఇక కనిపించదన్నమాట.
దీనికి సంబంధించిన వార్తను చూపిస్తూ ప్యూబిటీ ఓ పోస్ట్ ను షేర్ చేసింది. మనం ఏ డివైజ్ నుంచి పోస్ట్ చేస్తున్నామో ఇక చూడలేమనే క్యాప్షన్ ను జత చేసింది. ఈ ట్వీట్ పై స్పందించిన ఎలాన్ మస్క్.. హల్లేలూయా అనే టైటిల్ తో రీట్వీట్ చేశారు. ఇటీవలే టెక్ జర్నలిస్టుల ట్విట్టర్ ఖాతాలను మస్క్ సస్పెండ్ చేశారు. ఈ నేపథ్యంలో నిరసనలు వెల్లువెత్తాయి. దీంతో మస్క్ వెనక్కి తగ్గి, వాటిని మళ్లీ పునరుద్ధరించారు.
