తండ్రిని ఫ్లైట్ ఎక్కించి వస్తుండగా యాక్సిడెంట్..

V6 Velugu Posted on Sep 29, 2021

మేడ్చల్ జిల్లా, వెలుగు: హైదరాబాద్​లో తండ్రిని ఫ్లైట్ ఎక్కించి ఇంటికి వెళ్తున్న అన్నదమ్ములు ఇద్దరూ రోడ్డు యాక్సిడెంట్​లో అక్కడికక్కడే మృతి చెందారు. జగిత్యాల జిల్లా, వెల్గటూర్ మండలం స్తంభంపల్లికి చెందిన శేరి అనంతి కొడుకు సుదర్శన్(32). అనంతి అన్న కొడుకు రాజేందర్(37). మంగళవారం అనంతి దుబాయ్ వెళ్తుండటంతో సుదర్శన్, రాజేందర్ వాళ్ల ఫ్రెండ్​ వంశీతో కలసి తండ్రిని హైదరాబాద్​ తీసుకెళ్లి ఫ్లైట్ ఎక్కించారు. తిరుగు ప్రయాణంలో వీరి కారు శామీర్‎పేట మండలంలోని లాల్‎మలక్‎పేట్ వద్ద ఆగి ఉన్న కంటెయినర్​ను వెనుక నుంచి ఢీకొట్టింది. ఈ ప్రమాదంలో రాజేందర్, సుదర్శన్‌‌‌‌ స్పాట్​లోనే చనిపోయారు. వంశీకి రెండు కాళ్లు విరగడంతోపాటు తీవ్ర గాయాలయ్యాయి. కేసు నమోదు చేసి దర్యాప్తు చేస్తున్నట్లు శామీర్ పేట సీఐ సుధీర్ తెలిపారు. ఒకే కుటుంబంలో ఇద్దరు చనిపోవడంతో గ్రామంలో విషాద ఛాయలు అలముకున్నాయి. 

Tagged Died, accident, father, car accident, Medchal District, Velgatoor, two brothers

Latest Videos

Subscribe Now

More News