న్యూఢిల్లీ: బిలియనీర్ గౌతమ్ అదానీ ప్రస్తుతం మనదేశ పర్యటనలో ఉన్న ఉబెర్ సీఓఈ దారా ఖోస్రోషాహితో సమావేశమయ్యారు. రెండు సంస్థల మధ్య భవిష్యత్తులో సహకారం ఉంటుందని ప్రకటించారు. భారత ఆర్థిక వృద్ధి తదితర అంశాల గురించి వీరిద్దరూ చర్చించారు. భారతదేశంలో ఎలక్ట్రిక్ వెహికల్స్ వాడకాన్ని పెంచడానికి మరిన్ని చర్యలు తీసుకుంటామని దారా అన్నారు.
అదానీ సమావేశానికి సంబంధించిన ఫొటోలను కూడా పోస్ట్ చేశారు కానీ సమావేశం ఎక్కడ జరిగిందో చెప్పలేదు. అహ్మదాబాద్‌‌లోని అదానీ గ్రూప్ ప్రధాన కార్యాలయంలో ఈ సమావేశం జరిగినట్లు తెలుస్తోంది. బెంగళూరులో జరిగిన ఒక కార్యక్రమంలో ఇన్ఫోసిస్ ఛైర్మన్ నందన్ నీలేకనితో "బిల్డింగ్ పాపులేషన్ స్కేల్ టెక్నాలజీ" గురించి కూడా దారా చర్చించారు.
