న్యూఢిల్లీ: నేషనల్ ఎలిజిబిలిటీ టెస్ట్ (నెట్)ను రీషెడ్యూల్ చేసినట్టు యూజీసీ చైర్మన్ జగదీశ్ కుమార్ సోమవారం ఓ ప్రకటనలో తెలిపారు. ముందుగా ప్రకటించిన షెడ్యూల్ప్రకారం జూన్ 16న ‘నెట్’ నిర్వహించాల్సి ఉంది. అయితే, అదే రోజు యూపీఎస్సీ ప్రిలిమ్స్ ఉండడంతో అభ్యర్థుల నుంచి వచ్చిన ఫీడ్‌‌బ్యాక్ ను పరిగణనలోకి తీసుకున్న యూజీసీ, నేషనల్ టెస్టింగ్ ఏజెన్సీ.. నెట్ ను16 జూన్ (ఆదివారం) నుంచి 18 జూన్ (మంగళవారం)కు మార్చాలని నిర్ణయించినట్టు ఆయన తెలిపారు. యూజీసీ నెట్ అనేది దేశంలోని విశ్వవిద్యాలయాల్లో లెక్చరర్షిప్, అసిస్టెంట్ఫ్రొఫెసర్, జూనియర్ రీసెర్చ్ ఫెలోషిప్, పీహెచ్డీలో ప్రవేశాలకు నిర్వహించే పరీక్ష.
