ఓయూ సదస్సులో కేంద్ర మంత్రి కిషన్ రెడ్డి
ఓయూ, వెలుగు : యువత రాజకీయాల్లోకి రావాల్సిన అవసరం చాలా ఉందని కేంద్ర పర్యాటక శాఖ మంత్రి జి. కిషన్రెడ్డి అన్నారు. దేశ అభివృద్ధిలో యువత పాత్రే కీలకమన్నారు. ఇన్ స్టిట్యూట్ ఆఫ్ ఇన్క్లూజివ్ గవర్నెన్స్ హైదరాబాద్ ఆధ్వర్యంలో ‘సోషియో పొలిటికల్ లీడర్షిప్ స్కిల్స్’ అంశంపై మంగళవారం ఓయూలో ప్రారంభమైన 5 రోజుల జాతీయ సదస్సు ప్రారంభోత్సవానికి కిషన్ రెడ్డి హాజరయ్యారు. ఈ సందర్బంగా ఆయన మాట్లాడుతూ.. 1970లలో కమ్యూనికేషన్ సరిగ్గా ఉండేది కాదని, ఇప్పుడు మనకు అన్ని అవకాశాలు ఉన్నాయన్నారు.
దేశాన్ని ముందుకు తీసుకెళ్లేందుకు ఇదొక మంచి అవకాశమన్నారు. లీడర్షిప్ స్కిల్స్ పై శిక్షణ పొందడం ఒక మంచి అవకాశమని, దీనిని యువత సద్వినియోగం చేసుకోవాలని చెప్పారు. ఉస్మానియా యూనివర్సిటీ ఎంతో మంది గొప్ప నాయకులను, ఉద్యమకారులను ఇచ్చిందని గుర్తు చేశారు. ఈ ట్రెయినింగ్ ద్వారా లీడర్షిప్ స్కిల్స్ పెంచుకుని యువత దేశ సేవకు ముందుకు రావాలని సూచించారు. దేశం కోసం ప్రధాని మోడీ ఎంతో కష్టపడుతున్నారని, యువత కూడా ఆయన కృషిలో భాగస్వాములు కావాలని కోరారు.
