న్యూఢిల్లీ: అనుకోకుండా వచ్చిన ఈ బ్రేక్ను.. తన స్కిల్స్‌‌‌‌‌‌‌‌ను షార్ప్ చేసుకునేందుకు ఉపయోగించుకుంటానని టీమిండియా బ్యాట్స్మన్ హనుమ విహారి అన్నాడు. రాబోయే ఆస్ర్టేలియా టూర్లో రాణించేందుకు ఇది బాగా యూజ్ అవుతుందన్నాడు. ‘నిజంగా చెప్పాలంటే ఈ విరామం మాకు ఓ వరంలాగా వచ్చింది. ఈ ఖాళీ సమయంలో నా ఫిట్నెస్ను మరింత మెరుగుపర్చుకుంటా. అలాగే నాలోని స్కిల్స్కు పదును పెట్టుకుంటా. కౌంటీ క్రికెట్, ఆసీస్ టూర్కు ఇవి ఉపయోగపడతాయి. పాజిటివ్గా ఆలోచించడంతో పాటు, బిజీగా ఉండేందుకు మానసికంగా చాలా కష్టపడుతన్నా. రాబోయే మూడు నాలుగు నెలలు క్రికెట్ ఉండదు. దీనిని ఎదుర్కోవడం కూడా నా ముందున్న పెద్ద సవాలు. ఆగస్ట్ చివర్లో కౌంటీ క్రికెట్ ఆడతా. ఇంగ్లిష్ కౌంటీ టీమ్తో నాకు ఒప్పందం కూడా ఉంది. ప్రస్తుతానికైతే దీనిపైనే ఎక్కువగా దృష్టిపెట్టా. అయినా అది జరుగుతుందో లేదో కచ్చితంగా తెలియదు. ఏదేమైనా ప్రతి రోజు ఏదో ఓపనితో బిజీగా గడిపేలా ప్లాన్స్ వేసుకుంటున్నా’ అని విహారి పేర్కొన్నాడు. ఈ ఏడాది చివర్లో ఇండియా.. ఆసీస్లో పర్యటించనుంది.
ఇలా కలిసొచ్చింది..
ఈ బ్రేక్ వల్ల తనకు మరో లాభం జరుగుతోందని విహారి చెప్పాడు. ‘మే 19 నా పెళ్లి రోజు. ఈసారి తప్పకుండా నా భార్యతో కలిసి నా మొదటి పెళ్లి రోజును జరుపుకునే చాన్స్ దక్కింది. బిజీ క్రికెట్ షెడ్యూల్ వల్ల సాధ్యమవుతుందో లేదోనని అనుకున్నా. కానీ ఈసారి కలిసొచ్చింది. కనీసం ఒక్క వ్యక్తి అయినా నాపై ఫిర్యాదు చేయకుండా ఉంటుంది. ఇది సంతోషించాల్సిన అంశం’ అని ఈ తెలుగు కుర్రాడు వెల్లడించాడు. ఇంట్లో పెద్దగా పని ఉండకపోవడం వల్ల రిపీటెడ్గా 2005 యాషెస్ సిరీస్ క్లిప్పింగ్స్ను చూస్తుంటానన్నాడు. ఈ బ్రేక్ వల్ల కొన్ని వాస్తవిక విషయాలు తెలుసుకుంటున్నానని చెప్పాడు. ‘కరోనా మహమ్మారి వల్ల ఈ బ్రేక్ రావడం చాలా ఇబ్బందిగా ఉన్నా.. కొన్ని విషయాలు మాత్రం తెలిసొచ్చాయి. అందరిలాగా నేను బయటకు వెళ్లలేను. ఫ్రెండ్స్ను కలవలేను. వాళ్లతో కలిసి తిరగలేను. కలిసినా ఓ గంట స్పెండ్ చేస్తాం. తర్వాత ఇంట్లో ఐసోలేట్ కావాల్సిందే. అందుకే బోర్ కొట్టకుండా ఉండేందుకు ప్రయత్నిస్తా. అందులో భాగంగా యాషెస్ వీడియోలను చూస్తా. 2005 సిరీస్ నా ఫేవరెట్. ఎన్నిసార్లు చూశానో నాకే లెక్క తెలియదు. ఇప్పుడు యోగా చేయాలని కూడా ప్లాన్ చేసుకుంటున్నా. ఏడాది నుంచి అనుకుంటున్నా, ఇప్పుడు టైమ్ దొరికింది’
