హైదరాబాద్ సహా తెలంగాణ వ్యాప్తంగా పలు జిల్లాల్లో రానున్న మూడురోజుల పాటు భారీ వర్షాలు కురిసే అవకాశం ఉందని తెలిపింది వాతావరణ శాఖ. సోమవారం ( జులై 7) నుంచి గురువారం ( జులై 10 ) దాకా భారీ వర్షాలు కురిసే అవకాశం ఉన్న క్రమంలో ఆరెంజ్ అలర్ట్ జారీ చేసింది వాతావరణ శాఖ. ఉరుములు, మెరుపులతో కూడిన భారీ వర్షాలు కురుస్తాయని... బలమైన ఈదురుగాలులు వీస్తాయని తెలిపింది వాతావరణ శాఖ.
ఈ ప్రభావంతో రాష్ట్రవ్యాప్తంగా ఉషోగ్రతలు తగ్గ్గుముఖం పడతాయని తెలిపింది వాతావరణ శాఖ. భారీ వర్షాలు కురిసే సమయంలో ప్రజలు అప్రమత్తంగా ఉండాలని, అత్యవసరమైతే తప్ప బయటికి వెళ్లోద్దని సూచించింది వాతావరణ శాఖ.
ఈ మేరకు పది జిల్లాలకు ఆరెంజ్ అలర్ట్ జారీ చేసింది వాతావరణ శాఖ. ఆదిలాబాద్, కుమ్రంభీం ఆసిఫాబాద్, మంచిర్యాల, నిర్మల్, నిమాజామాబాద్, జగిత్యాల, రాజన్న సిరిసిల్ల, కరీంనగర్, పెద్దపల్లి, జయశంకర్ భూపాలపల్లి జిల్లాల్లో భారీ వర్షాలు పడతాయని తెలిపింది వాతావరణ శాఖ.
కాగా, సోమవారం నుంచి గురువారం వరకు మిగతా అన్ని జిల్లాలకూ వాతావరణ శాఖ ఎల్లో అలర్ట్‌‌‌‌‌‌ను జారీ చేసింది. హైదరాబాద్‌‌‌‌లో ఉరుములతో కూడిన వర్షాలు పడే చాన్స్‌ ఉందని ఐఎండీ తెలిపింది.
