హైదరాబాద్ సిటీ, వెలుగు: జంట జలాశయాల్లో ఒకటైన ఉస్మాన్ సాగర్ సైతం ఫుల్ ట్యాంక్ లెవెల్ కి చేరింది. ఈ రిజర్వాయర్ ఫుల్ ట్యాంక్ లెవెల్ 1,790 అడుగులు కాగా బుధవారం 1,788.60 అడుగులకు నీరు చేరింది. దీంతో అధికారులు రెండు గేట్లను ఒక అడుగు మేరకు ఎత్తి మూసిలోకి నీటిని వదులుతున్నారు.
ప్రస్తుతం 1,200 క్యూసెక్కులు ఇన్ఫ్లో, 220 క్యూసెక్కుల ఔట్ ఫ్లో ఉంది. మరోవైపు హిమాయత్ సాగర్లోకి కూడా వరద కొనసాగుతోంది. ప్రస్తుతం ఈ జలాశయం ఒక గేట్ ను మూడు అడుగుల మేర ఎత్తి నీటిని వదులుతున్నారు. హిమాయత్ సాగర్ ఇన్ ఫ్లో 1,600 క్యూసెక్కులు ఉండగా, ఔట్ ఫ్లో 1,017 క్యూసెక్కులు ఉంది.
