ప్రపంచంలో ప్రసిద్ధ జాతకుల్లో బాబా వంగా ఒకరు.. ఆమె ఇప్పటివరకు ఇచ్చిన ప్రిడిక్షన్స్ ఎన్నో నిజమయ్యాయి. అందుకే ఆమెకు అంత ప్రసిద్ధి ఉంది. ప్రతి ఏడాది బాబా వంగ అంచనాలు నిజం అవుతూనే వస్తున్నాయి. 2026 వ సంవత్సరంలో ఎలాంటి మార్పులు ఉంటాయో.. వంగా బాబా చెప్పిన విషయాల గురించి ఇప్పుడు తెలుసుకుందాం. . . !
మరో నెల రోజుల్లో కొత్త సంవత్సరం (2026) ప్రారంభంకానుంది. ప్రస్తుతం జరుగుతున్న 2025 వ సంవత్సరం కాలగర్భంలో కలిసిపోతుంది. కొత్త సంవత్సరం వస్తుందంటే చాలు రాబోయే సంవత్సరం ఎలా ఉంటుంది.. అనేక మంది చెప్పిన విషయాల గురించి చర్చ జరుగుతుంది.
బాబా వంగా 1996లో మరణించినప్పటికీ, ఆమె చెప్పిన అంచనాలు ఇప్పటికే చాలా నిజమయ్యాయి. అందువలన 2026 సంవత్సరానికి సంబంధించిన అంచనాలు ఇప్పుడు చాలా చర్చనీయాంశంగా మారాయి. మూడవ ప్రపంచ యుద్ధం జరిగే అవకాశం ఉందని.. ఏలియన్స్ భూమిపై సంచరిస్తారని వంగా బాబా తెలిపారు.
అమెరికా, రష్యా మధ్య పెద్ద యుద్దం జరిగి.. ఎన్నో సమస్యలకు దారి తీసే అవకాశాలు ఉన్నాయని వారన్నారు. ముఖ్యంగా ఈ రెండు దేశాల యుద్ధం కారణంగా కొంతవరకు ప్రాణ నష్టం వాటిల్లే అవకాశాలు కూడా ఉన్నాయని తెలిపారు.2026 సంవత్సరంలో అమెరికాతో పాటు చైనా కూడా దేశాలను అధికమించి సూపర్ పవర్ దేశం గా కూడా అవతరిస్తుందని బాబా వంగ తమ అంచనాలలో పేర్కొన్నారు.
2026 నవంబర్లో భూమిపైకి అంతరిక్షం నుంచి ఒక భారీ నౌక (3I/ATLAS) ప్రవేశించే అవకాశం ఉందని ఆమె తెలిపారు. ఇంకా వచ్చే ఏడాది(2026) లో భూమిపై నివసించే వారు .. గ్రహాంతర జీవులతో ( ఏలియన్స్తో) సంబంధాలు కొనసాగిస్తారని ..ఈ సంఘటన ప్రపంచాన్ని మార్చివేస్తుందనీ, మానవాళి కొత్త యుగానికి ప్రవేశిస్తుందని ఊహించింది. ఈ విషయాన్ని 'షాకింగ్ మిస్టరీస్'గా చెబుతున్నారు.
ఆర్టిఫిషియల్ ఇంటెలిజెన్స్ పెరుగుదల ఉంటుంది. AI మానవ నియంత్రణను మించి ప్రభావం చూపుతుంది. 2026 నాటికి కృతిమ మేథస్సు కీలక నిర్ణయాలు, పరిశ్రమలు, మానవ జీవితాలను కూడా ఆధిపత్యం చేసే స్థాయికి చేరుకుని... చాలామంది ఉద్యోగులు రోడ్డున పడే అవకాశాలు ఉంటాయని కూడా ఆమె తన అంచనాల్లో పేర్కొంది.
బాబా వంగా అంచనా ప్రకారం.. వచ్చే సంవత్సరంలో వాతావరణంలో అనేక మార్పులు సంభవించే అవకాశం ఉంది. వీటి వలన వచ్చే విత్తులతో ప్రపంచ వ్యాప్తంగా 78 శాతం భూభాగం ప్రభావితమవుతుందని వంగా బాబా ప్రిడిక్షన్ లో ఉంది. భూకంపాలు.. భారీ విస్పోటనాలు.. ఇంకా
ఎన్నో సమస్యలు వస్తాయని.. వరదల ప్రవాహం విపరీతంగా పెరిగి నగరాలకు నగరాలే కొట్టుకుపోయే అవకాశాలు ఉన్నాయని ఆమె అంచనావేశారు. అలాగే వచ్చే సంవత్సరం (2026) లో భారీ ప్రాణ నష్టం తో పాటు డబ్బు నష్టం కూడా జరుగుతుందని అందులో పేర్కొన్నారు.
వంగా బాబా ఎవరు..
ఉత్తర మాసిడోనియాలోని స్ట్రుమికాలో వంగేలియా పాండేవా గుష్టెరోవాగాలో 1911 లో బాబా వంగా జన్మించారు. ఆమె పన్నెండేళ్ల వయసులో కంటి చూపు కోల్పోయారు. 1970, 1980 సంవత్సరాల్లో దేశం,, అంతర్జాతీయ సమస్యల గురించి ఆమె ముందుగానే చెప్పారు. 1996లో 85 సంవత్సరాల వయస్సులో మరణించారు. ఆమె 5079 వరకు జరిగే విషయాలను ఆమె ముందే ఊహించారు.
