ముంబై: ఇండియా తొలితరం ఫస్ట్ క్లాస్ క్రికెటర్ వసంత్ రాయ్జీ(100) కన్నుమూశారు. ముంబై వాల్కేశ్వర్లోని తన నివాసంలో శనివారం తెల్లవారుజామున వృద్ధాప్యం కారణంగా రాయ్జీ నిద్రలోనే తుదిశ్వాస విడిచినట్లు ఆయన కుటుంబ సభ్యులు వెల్లడించారు. 1920లో గుజరాత్లో పుట్టిన రాయ్జీ 1939లో క్రికెట్ క్లబ్ ఆప్ ఇండియా జట్టు తరఫున తొలిసారి క్రికెట్ ఆడారు. 1940 లలో ముంబై జట్టుకు ప్రాతినిథ్యం వహించారు. దక్షిణ ముంబైలోని బొంబాయి జింఖానాలో రాయ్జీ 13 ఏళ్ల వయసులో తొలి టెస్ట్ మ్యాచ్ ఆడారు. క్రికెట్ నుంచి రిటైర్ అయ్యాక అనేక రచనలు చేశారు. ఇండియాలో తొలితరం క్రికెట్ చరిత్రకారుడిగా పేరుపొందారు. క్రికెట్ ఐకాన్ సచిన్ టెండూల్కర్, ఆస్ట్రేలియా మాజీ కెప్టెన్ స్టీవ్ వా.. రాయ్జీకి 100 ఏళ్లు నిండినప్పుడు ఆయనను మర్యాదపూర్వకంగా కలుసుకున్నారు.
