- ఏఐటీయూసీ స్టేట్ ప్రెసిడెంట్ వాసిరెడ్డి సీతారామయ్య
కోల్బెల్ట్, వెలుగు : అసెంబ్లీ ఎన్నికల్లో రాష్ట్ర సర్కార్కు లబ్ధి చేకూర్చేందుకే సింగరేణి యాజమాన్యం కార్మికులకు లాభాల వాటా, బోనస్లను చెల్లించకుండా ఎన్నికల కోడ్ సాకు చూపుతోందని ఏఐటీయూసీ స్టేట్ ప్రెసిడెంట్వాసిరెడ్డి సీతారామయ్య ఆరోపించారు. మంగళవారం మందమర్రి ఏరియా రామకృష్ణాపూర్ ఓపెన్ కాస్ట్ మైన్పై ఏర్పాటు చేసిన సమావేశంలో ఆయన మాట్లాడారు. రాష్ట్ర సర్కార్కు అనుకూలంగా సింగరేణి తీసుకున్న నిర్ణయాలతో కార్మిక వర్గానికి అన్యాయం జరుగుతుందని ఫైర్ అయ్యారు. బుధవారం సాయంత్రంలోగా లాభాల వాటా చెల్లింపు, దసరా అడ్వాన్స్ చెల్లింపుపై యాజమాన్యం నిర్ణయం తీసుకపోతే యూనియన్ ఆధ్వర్యంలో ఈనెల 20న కొత్తగూడెం సింగరేణి హెడ్ ఆఫీస్ ఎదుట నిరాహారదీక్ష చేపడుతామని హెచ్చరించారు.
ఈనెల 16న లాభాల వాటా చెల్లిస్తామని 4 తేదీన సింగరేణి సర్క్యూలర్ జారీ చేసిందని.. 9న అమల్లోకి వచ్చిన ఎన్నికల కోడ్ వాటా చెల్లింపుకు అడ్డుకాదన్నారు. వెంటనే వాటాను పంపిణీ చేయాలని డిమాండ్ చేశారు. యూనియన్ సెంట్రల్ కమిటీ సెక్రటరీ ఎండీ అక్బర్అలీ, బ్రాంచి సెక్రటరీ ఆంజనేయులు, అసిస్టెంట్ సెక్రటరీ వినయ్ కుమార్, వైస్ ప్రెసిడెంట్ఇప్పకాయల లింగయ్య, ఆర్కేపీ ఓసీపీ, సివిల్, సీహెచ్పీ, ఏరియా ఆసుపత్రి, ఆర్కే1ఏ గనుల పిట్సెక్రటరీలు తదితరులు పాల్గొన్నారు.
సింగరేణి ఇన్చార్జ్ సీఎండీకి ఐఎన్టీయూసీ వినతి
ఎన్నికల కోడ్ కారణంగా వాయిదా వేసిన సింగరేణి కార్మికుల లాభాల వాటాను వెంటనే చెల్లించాలని కోరుతూ సింగరేణి ఇన్చార్జ్ సీఎండీ, రాష్ట్ర ఇంధన శాఖ సెక్రటరీ సుశీల్శర్మకు ఐఎన్టీయూసీ లీడర్లు వినతిపత్రం అందించారు. ఐఎన్టీయూసీ సెక్రటరీ జనరల్ బి.జనక్ ప్రసాద్ నేతృత్వంలో లీడర్లు ఇన్చార్జ్ సీఎండీని కలిశారు. ఎన్నికల కోడ్ నెపంతో కార్మికుల కష్టార్జితాన్ని ఇవ్వకుండా నిలిపివేయడం సరికాదని, వెంటనే చెల్లించాలని కోరారు. ఈనెల 21లోపు వాటా డబ్బులను కార్మికుల ఖాతాల్లో వేసేందుకు హామీ ఇచ్చారని, ఇదే విషయంపై రాష్ట్ర ప్రధాన ఎన్నికల అధికారి వికాస్రాజ్ను కూడా కలిసినట్లు సెక్రటరీ జనరల్ జనక్ ప్రసాద్ తెలిపారు.
