భారత చిత్ర పరిశ్రమలో విషాదం నెలకొంది. బాలీవుడ్ వెటరన్ యాక్టర్ సమీర్ ఖాకర్(71) కన్నుమూశారు. మార్చి 14న ఉదయం నుంచి శ్వాస కోస సమస్యతో బాధపడుతున్న సమీర్ చికిత్స పొందుతూ మార్చి 15న ఉదయం 4.30 గంటలకు తుది శ్వాస విడిచారు. ఈ విషయాన్ని ఆయన తమ్ముడు గణేష్ ఖాకర్ తెలిపారు.
దాదాపు నాలుగు దశాబ్దాల పాటు ప్రముఖ రంగస్థల, చలనచిత్ర,టీవీ నటుడిగా సమీర్ గుర్తింపు తెచ్చుకున్నారు. కమల్ హాసన్ నటించిన పుష్పక విమానం, సల్మాన్ ఖాన్ నటించిన జైహో , పరిందా,మసూమ్ ,రాజాబాబు, వంటి పలు హిట్ సినిమాల్లో ఖాకర్ నటించారు.
