హైదరాబాద్, వెలుగు: ఎలక్ట్రిక్ కార్లను తయారు చేసే వియత్నాం కంపెనీ విన్ఫాస్ట్ హైదరాబాద్మార్కెట్లో అడుగుపెట్టింది. నానేశ్ ఆటోమోటివ్స్తో భాగస్వామ్యం కుదుర్చుకుని వీఎఫ్6, వీఎఫ్7 అనే రెండు ప్రీమియం ఎలక్ట్రిక్ ఎస్యూవీలను విడుదల చేసింది. ఒక్కసారి చార్జ్ చేస్తే ఇవి 468 నుంచి 520 కిలోమీటర్ల దూరం వెళ్తాయి. దీనికి అదనంగా బ్యాటరీపై పదేళ్ల వారంటీ ఇస్తున్నట్లు విన్ఫాస్ట్ ఇండియా డిప్యూటీ సీఈఓ అరుణోదయ్ దాస్ తెలిపారు.
ఈ మోడళ్లలో పనోరమిక్ సన్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌రూఫ్, లెవల్-2 అడాస్, 360 కెమెరా, ఏడు ఎయిర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌బ్యాగ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లు, కనెక్టెడ్ కార్ టెక్నాలజీ, లగ్జరీ ఇంటీరియర్స్ వంటి అత్యాధునిక ఫీచర్లు ఉన్నాయి. వీఎఫ్6 ఎక్స్-షోరూమ్ ధర రూ.16.49 లక్షల నుంచి మొదలవుతుండగా, వీఎఫ్7 ధర రూ.20.89 లక్షల నుంచి అందుబాటులో ఉంటుంది.
చార్జింగ్, ఆఫ్టర్ సేల్ సర్వీసుల కోసం విన్ఫాస్ట్ సంస్థ రోడ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌గ్రిడ్, మై టీవీఎస్, గ్లోబల్ అష్యూర్ వంటి సంస్థలతో చేతులు కలిపింది. ఈ ఏడాది చివరి నాటికి 27 నగరాల్లో 35 డీలర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌షిప్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లు, 26 వర్క్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌షాప్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లను ఏర్పాటు చేయాలని లక్ష్యంగా పెట్టుకుంది.
