- టీజీ సెట్స్-2026 కన్వీనర్ల నియామకం..
- ఈసెట్, లాసెట్ బాధ్యత ఉస్మానియాకే
- ఉత్తర్వులు జారీచేసిన హయ్యర్ ఎడ్యుకేషన్ కౌన్సిల్
హైదరాబాద్, వెలుగు: వచ్చే విద్యా సంవత్సరం (2026–27) వివిధ ప్రొఫెషనల్ కోర్సుల్లో అడ్మిషన్ల కోసం నిర్వహించే కామన్ ఎంట్రన్స్ టెస్టుల (టీజీ సెట్స్–2026)కు తెలంగాణ హయ్యర్ ఎడ్యుకేషన్ కౌన్సిల్ (టీజీసీహెచ్ఈ) కన్వీనర్లను నియమించింది. ఇంజినీరింగ్, ఫార్మసీ, అగ్రికల్చర్ ప్రవేశపరీక్ష టీజీ ఎప్ సెట్ కన్వీనర్గా జేఎన్టీయూహెచ్మెకానికల్ ఇంజినీరింగ్ ప్రొఫెసర్, వర్సిటీ రెక్టార్ కె.విజయ్కుమార్ రెడ్డిని నియమించారు.
గతంలో ఆయన ఎప్ సెట్ కో కన్వీనర్గా, ఈసెట్ కన్వీనర్గా బాధ్యతలు నిర్వహించారు. అయితే, సోమవారం సెట్స్ కన్వీనర్ల పేర్లను, నిర్వహించే వర్సిటీ పేర్లను టీజీసీహెచ్ఈ చైర్మన్ బాలకిష్టారెడ్డి, సెక్రటరీ శ్రీరామ్ వెంకటేశ్ ఉత్తర్వులు జారీ చేశారు. వర్సిటీల వీసీలతో సంప్రదింపుల అనంతరం ఈ నియామకాలు చేపట్టినట్టు ఆయన వెల్లడించారు. ఎప్సెట్, పీజీఈసెట్ నిర్వహణ బాధ్యతలను జేఎన్టీయూకు, ఈసెట్, లాసెట్ బాధ్యతలను ఓయూకు అప్పగించారు. ఐసెట్ను ఎంజీయూకు, ఎడ్ సెట్ ను కాకతీయ వర్సిటీకి, పీఈ సెట్ నిర్వహణను శాతవాహన వర్సిటీకి ఇచ్చారు.
కన్వీనర్లు వీరే.. సెట్ కన్వీనర్
టీజీ ఎప్ సెట్: ప్రొఫెసర్ కె.విజయ్కుమార్ రెడ్డి
టీజీ ఎడ్ సెట్: ప్రొఫెసర్ బి.వెంకట్రామ్ రెడ్డి
టీజీ ఐసెట్: ప్రొఫెసర్ అలువాల రవి
టీజీ ఈసెట్: ప్రొఫెసర్ పి. చంద్రశేఖర్
టీజీ లాసెట్, పీజీఎల్సెట్: ప్రొఫెసర్ బి. విజయలక్ష్మి
టీజీ పీజీ ఈసెట్: ప్రొఫెసర్ కె. వెంకటేశ్వర రావు
టీజీ పీఈసెట్: ప్రొఫెసర్ రాజేశ్ కుమార్
