కోలీవుడ్ స్టార్ హీరో విజయ్ సేతుపతి నటించిన 'మహారాజ' ఇప్పుడు హాలీవుడ్ను కూడా షేక్ చేసేందుకు రెడీ అయింది. 2024లో విడుదలై తమిళ సినిమా చరిత్రలోనే ఓ కొత్త మైలురాయిని నెలకొల్పింది ఈ క్రైమ్ థ్రిల్లర్. ఇప్పుడు హాలీవుడ్ లో రీమేక్ కాబోతుంది . తమిళ సినీ చరిత్రలోనే ఒక రీజినల్ ఫిల్మ్ మొట్టమొదటి హాలీవుడ్ రీమేక్ కావడం ఇదే తొలిసారి.
ప్యాషన్ స్టూడియోస్'హిస్టారిక్ మైల్స్టోన్' అంటూ సోషల్ మీడియాలో ఘనంగా ప్రకటన చేసింది. నిథిలన్ స్వామినాథన్ దర్శకత్వంలో తెరకెక్కిన ఈ సినిమా కథ చాలా వింతగా మొదలవుతుంది. ఒక సాధారణ బార్బర్ (విజయ్ సేతుపతి) పోలీస్ స్టేషన్కు వెళ్లి 'లక్ష్మి' అనే డస్ట్బిన్ దొంగిలించబడిందని ఫిర్యాదు చేస్తాడు. పోలీసులు నవ్వుతారు… కానీ ఆ చిన్న ఫిర్యాదు వెనుక ఉన్న చీకటి రహస్యాలు, ట్విస్టులు, రివెంజ్ స్టోరీ ప్రేక్షకులను షాక్ చేస్తాయి. అనురాగ్ కశ్యప్ ప్రతినాయకుడిగా భయంకరమైన పాత్ర పోషించగా, సంచన నమిదాస్ (విజయ్ కూతురు)కు జాతీయ అవార్డు దక్కింది.
కేవలం 20 కోట్ల బడ్జెట్తో తెరకెక్కిన ఈ సినిమా ప్రపంచవ్యాప్తంగా దాదాపు 200 కోట్లు వసూలు చేసింది. చైనాలో మాత్రమే 91.65 కోట్లు సంపాదించి, ఆ దేశంలో అత్యధిక వసూళ్లు సాధించిన సౌత్ ఇండియన్ సినిమాగా రికార్డు సృష్టించింది. ఈ అంతర్జాతీయ విజయం హాలీవుడ్ ఏజెన్సీలను ఆకర్షించింది. నిర్మాత సుధన్ సుందరం చెప్పినట్టు, చైనా విజయం తర్వాతే వారు రీమేక్ హక్కుల కోసం సంప్రదించారు. . A-లిస్ట్ హీరోతో ప్రాజెక్ట్ సెటప్ చేస్తున్నారు.
ALSO READ : త్రిష స్థానంలో నేనుంటే ఆలా చేయను..
వచ్చే ఏడాది షూటింగ్ మొదలుపెట్టే అవకాశం ఉంది.సోషల్ మీడియాలో ఆస్కార్ విన్నర్ మాథ్యూ మెకానహే (Matthew McConaughey) ఈ పాత్ర పోషించనున్నట్టు సంచలన వార్తలు వస్తున్నాయి. కానీ అధికారిక నిర్ధారణ రాలేదు. హిందీ రీమేక్ హక్కులు ఇప్పటికే ఆమిర్ ఖాన్ చేతుల్లో ఉన్నాయి. ఇప్పుడు హాలీవుడ్ కూడా… తమిళ సినిమా గ్లోబల్ స్టేజ్పై ఎగురుతోంది.
