- రద్దీ ఏరియాలు, చిరు వ్యాపారులు, వృద్ధులే వీరి టార్గెట్
వికారాబాద్, వెలుగు : ఫేక్కరెన్సీని తయారుచేసి చలామణి చేస్తున్న నలుగురిని వికారాబాద్పోలీసులు అరెస్ట్చేశారు. జిల్లా ఎస్పీ నారాయణరెడ్ది తెలిపిన వివరాల ప్రకారం.. బషీరాబాద్ మండలం ఇందర్చెడ్ గ్రామానికి చెందిన మండిగి చంద్రయ్య బండల వ్యాపారి. ప్రస్తుతం తాండూరులోని అయ్యప్ప నగర్లో ఉంటున్నాడు. ఇతను నకిలీ నోట్లను చలామణి చేస్తున్నట్లు పోలీసులకు సమాచారం అందింది. శుక్రవారం ఉదయం అదుపులోకి తీసుకుని విచారించగా, 90 ఫేక్రూ.500 నోట్లు దొరికాయి.
చంద్రయ్య ఇచ్చిన సమాచారంతో ఇచ్చాపురం జగదీశ్, బడుగంటి వీరవెంకటరమణ, ప్రగళ్లపాటి శివకుమార్అనే ముగ్గురిని అదుపులోకి తీసుకున్నారు. మేడ్చల్జిల్లా దుండిగల్ పరిధి మల్లంపేటలోని అపార్ట్మెంట్లో ఉంటున్న జగదీశ్.. ఇంట్లోనే ఫేక్కరెన్సీ(రూ.500నోట్లు)ని తయారు చేస్తున్నట్లు గుర్తించారు. 1,500 ఫేక్రూ.500 నోట్లను స్వాధీనం చేసుకున్నారు. వీరు నలుగురు కలిసి చిరువ్యాపారులు, వృద్ధులు, రద్దీ ప్రాంతాలే టార్గెట్గా దొంగ నోట్లను చలామణి చేస్తున్నారని ఎస్పీ తెలిపారు.
