గద్వాల, వెలుగు: పదేళ్ల బీఆర్ఎస్ పాలనలో తమ గ్రామంలో ఎలాంటి అభివృద్ధి జరగలేదని గద్వాల జిల్లా ఇటిక్యాల మండలం మునగాల గ్రామస్తులు వాపోయారు. ఆదివారం రాత్రి ఎన్నికల ప్రచారంలో భాగంగా గ్రామానికి వచ్చిన అలంపూర్బీఆర్ఎస్అభ్యర్థి విజయుడుని అడ్డుకున్నారు. బీఆర్ఎస్వాళ్లకు మునగాలలో ఓట్లు అడిగే హక్కు లేదని మండిపడ్డారు. ఎన్నికల టైంలో తప్ప అధికార పార్టీ లీడర్లు గ్రామం వైపు కన్నెత్తి చూడడం లేదన్నారు.
గ్రామానికి, అలంపూర్నియోజకవర్గానికి ఒరగబెట్టిందేమీ లేదని ఆగ్రహం వ్యక్తం చేశారు. ఇంటికొక ఉద్యోగం ఇస్తామని చెప్పి, కొన్నేండ్లుగా బర్రెలు, గొర్రెలు కాసుకునేలా చేశారన్నారు. ఎన్నికల్లో బీఆర్ఎస్పార్టీకి తగిన బుద్ధి చెబితేనే, అలంపూర్బాగుపడేదన్నారు. దీంతో బీఆర్ఎస్ లీడర్లు అక్కడి నుంచి వెళ్లిపోయారు.
