- యువతకు ఉద్యోగావకాశాలు కల్పిస్తా
- పేదలకు ఇండ్లు కట్టిస్తా
- బీఆర్ఎస్లీడర్ల మాటలు నమ్మకండి
- కాంగ్రెస్ అభ్యర్థి మదన్మోహన్రావు
లింగంపేట, వెలుగు : తనను ఎమ్మెల్యేగా గెలిపిస్తే వెనుకబడిన ఎల్లారెడ్డి నియోజకవర్గాన్ని అన్ని రంగాల్లో అభివృద్ధి చేస్తానని ఎల్లారెడ్డి కాంగ్రెస్ అభ్యర్థి కె.మదన్మోహన్రావు పేర్కొన్నారు. బుధవారం ఆయన లింగంపేట మండలంలోని మోతె, గాంధీనగర్, ఎల్లారం, ముస్తాపూర్, కొయ్యగుండు తండా, ఒంటర్ పల్లి, సురాయిపల్లి తండా, సురాయిపల్లి, జగదాంబతండా, కోమట్పల్లి, పోతాయిపల్లి, కన్నాపూర్, పోల్కంపేట, ఐలాపూర్ గ్రామాల్లో ఎన్నికల ప్రచారం నిర్వహించారు. ఈ సందర్భంగా మదన్ మాట్లాడుతూ.. త్వరలో రాష్ట్రంలో కాంగ్రెస్ ప్రభుతం ఏర్పడబోతుందని, అధికారంలోకి రాగానే ఆరు గ్యారంటీలను అమలు చేస్తామన్నారు. నియోజకవర్గ ప్రజలు తనను భారీ మెజార్టీతో గెలిపించాలని కోరారు.
ప్రతి కుటుంబానికి రూ.500లకే గ్యాస్సిలిండర్, నెలకు రెండు వందల యూనిట్ల ఉచిత కరెంట్ఇస్తామన్నారు. రైతులకు రూ.2లక్షల వరకు రుణమాఫీ, మహాలక్ష్మి పథకం కింద మహిళలకు రూ.2500 నగదు పంపిణీ, పక్కా ఇండ్ల నిర్మాణం కోసం రూ.5 లక్షలు ఇస్తామన్నారు. కాంగ్రెస్ పార్టీ ప్రకటించిన ఆరు గ్యారంటీ స్కీమ్లను ఇంటింటికీ వెళ్లి వివరించాలని కార్యకర్తలను కోరారు.
నియోజకవర్గంలో ఏ గ్రామానికి వెళ్లినా అభివృద్ధి కనిపిండం లేదని స్కూళ్లు శిథిలావస్థకు చేరాయని, మురుగునీరు రోడ్లపైనే పారుతుందన్నారు. సురేందర్స్వగ్రామం నల్లమడుగులోనూ ఎలాంటి అభివృద్ధి జరగలేదన్నారు. ప్రజల సంక్షేమాన్ని మరిచిన బీఆర్ఎస్ అభ్యర్థి జాజాల సురేందర్ డిపాజిట్ గల్లంతు చేయాలని కోరారు.
కాంగ్రెస్ శ్రేణుల సత్తా ఏమిటో చూపాలి
కాంగ్రెస్ పార్టీ గుర్తుపై ఎల్లారెడ్డి ఎమ్మెల్యేగా గెలిచి, బీఆర్ఎస్ తీర్థం పుచ్చుకున్న జాజాల సురేందర్ కు కాంగ్రెస్ సత్తా ఏమిటో రుచి చూపించాలని మదన్మోహన్రావు కోరారు.రూపాయి,రూపాయి కూడగట్టుకొని చందాలు వేసి కాంగ్రెస్ తరఫున సురేందర్ను గెలిపిస్తే, డబ్బులకు ఆశపడి పార్టీ మారి పార్టీ కార్యకర్తల మనోభావాలను దెబ్బకొట్టారన్నారు. ఈ నెల 30న జరిగే ఎన్నికల్లో కాంగ్రెస్పార్టీకి గంపగుత్తాగా ఓట్లేసి తనను గెలిపించాలని కోరారు.
తప్పుడు ప్రచారం చేసే నాయకుల తోలు తీస్తాకాంగ్రెస్ పార్టీకి ఓటేస్తే ఎవరికీ పింఛన్లు రావని బీఆర్ఎస్ లీడర్లు గ్రామాల్లో తప్పుడు ప్రచారం చేస్తున్నారని, అలాంటి తోలు ఒలుస్తామని మదన్ హెచ్చరించారు. ఇంటింటి ప్రచారంలో భాగంగా చాలా మంది వృద్ధులు కాంగ్రెస్ పార్టీకి ఓటేస్తే పింఛన్లు,డబుల్బెడ్ రూమ్ఇండ్లు రావని బీఆర్ఎస్ లీడర్లు చెప్పినట్లు తన దృష్టికి తెచ్చారన్నారు.
ఎన్నికల్లో ఓటమి భయంతోనే బీఆర్ఎస్ లీడర్లు తప్పుడు ప్రచారానికి ఒడిగట్టారని ఆయన ఆగ్రహం వ్యక్తం చేశారు. తాను లోకల్కాదని, ఎమ్మెల్యేగా గెలిస్తే అమెరికాకు వెళ్లిపోతానని కూడా ప్రచారం చేస్తున్నారన్నారు. అమెరికా వెళ్లాలనేది తన ఉద్దేశమయితే ఎన్నికల్లో నిలబడాల్సిన అవసరం తనకేముందన్నారు.
ఉద్యోగ అవకాశాలు..
చేతిగుర్తుకు ఓటేసి తనను ఎమ్మెల్యేగా గెలిపిస్తే నియోజకవర్గంలోని నిరుద్యోగులకు ఉద్యోగఅవకాశాలు కల్పిస్తానని మదన్మోహన్రావు చెప్పారు. తాను ఎమ్మెల్యేగా లేకపోయినా ఎల్లారెడ్డి, కామారెడ్డిల్లో జాబ్మేళాలు నిర్వహించి, వేలాది మంది నిరుద్యోగులకు ఉపాధి చూపినట్లు గుర్తుచేశారు. ఎల్లారెడ్డిలో జాబ్మేళా ఏర్పాటు చేస్తే స్థానిక ఎమ్మెల్యే జాజాల సురేందర్ పోలీసులను పంపి అడ్డుకున్నారన్నారు.
