ఉప్పల్, వెలుగు : తనను గెలిపిస్తే ఉప్పల్ సెగ్మెంట్లో ఆగిపోయిన అభివృద్ధి పనులను పూర్తి చేస్తానని బీజేపీ అభ్యర్థి ఎన్వీఎస్ఎస్ ప్రభాకర్ తెలిపారు. ఎన్నికల ప్రచారంలో భాగంగా శనివారం ఉదయం స్వరూపనగర్లో ఉన్న కరిగిరి వేంకటశ్వర స్వామి ఆలయంలో ఆయన ప్రత్యేక పూజలు చేశారు. అనంతరం చిలుకానగర్ చౌరస్తాలోని స్వామి వివేకానంద విగ్రహాన్ని, పరిసరాలను శుభ్రం చేశారు. వివేకానంద విగ్రహానికి పూలమాల వేశారు.
తర్వాత చిలుకానగర్లో పాదయాత్ర చేపట్టారు. వేలాది మంది అభిమానులు, బీజేపీ నాయకులు, కార్యకర్తలు ఆయన వెంట తరలివచ్చారు. వివిధ కాలనీల్లో ఇంటింటికి తిరుగుతూ ప్రభాకర్ ప్రచారం నిర్వహించారు. ఈ సందర్భంగా ఆయన మాట్లాడుతూ.. ఓటును అమ్ముకోవద్దని కోరారు. అభివృద్ధి జరగాలంటే కమలం గుర్తుకు ఓటేసి తనను గెలిపించాలన్నారు..
