బాలనటుడిగా ఆకట్టుకుని హీరోగా మెప్పించే ప్రయత్నంలో ఉన్నాడు విశ్వ కార్తికేయ. అతను హీరోగా ఆనంద్ కొలగాని దర్శకత్వంలో రాజు గుడిగుంట్ల నిర్మిస్తున్న చిత్రం ‘ఎన్త్ అవర్’. రిషికా కపూర్ హీరోయిన్. నిన్న రామానాయుడు స్టూడియోస్‌‌‌‌‌‌‌‌లో ఈ చిత్రాన్ని ప్రారంభించారు. దర్శకుడు ఎస్.వి.కృష్ణారెడ్డి, నిర్మాతలు కె.ఎస్.రామారావు, ఏ.ఎం రత్నం, అచ్చిరెడ్డి, దామోదర్ ప్రసాద్ , బెక్కెం వేణుగోపాల్, ప్రసన్న కుమార్, డి.యస్. రావు ముఖ్య అతిథులుగా హాజరై బెస్ట్ విషెస్‌ చెప్పారు.
దర్శకుడు మాట్లాడుతూ ‘కొత్త తరహా కథతో సాగే యాక్షన్ అడ్వెంచర్‌ థ్రిల్లర్ ఇది. ఊహించని మలుపులతో సాగే కథ కావడంతో ఈ టైటిల్ పెట్టాం. వచ్చే నెల 6 నుంచి షూటింగ్‌ ప్రారంభించబోతున్నాం’ అని చెప్పాడు. ఇలాంటి అడ్వెంచరస్ సినిమాలో నటించే అవకాశం ఇచ్చిన దర్శకనిర్మాతలకు థ్యాంక్స్‌ చెప్పాడు విశ్వ కార్తికేయ. ఈ చిత్రంతో టాలీవుడ్‌‌‌‌‌‌‌‌కు పరిచయమవడం హ్యాపీ అంది రిషికా. ‘టైటిల్ ఎంత డిఫరెంట్‌‌‌‌‌‌‌‌గా ఉందో సినిమా కూడా అంతే డిఫరెంట్‌‌‌‌‌‌‌‌గా ఉంటుంది. కచ్చితంగా నచ్చుతుంది’ అన్నారు నిర్మాత. అర్జున్ అంబటి, భద్రం, కిర్రాక్ సీత, వాసు ఇంటూరి ఇతర పాత్రలు పోషిస్తున్నారు.
