విశ్వక్‌‌‌‌‌‌‌‌సేన్ హీరోగా నటిస్తూ స్వీయ దర్శకత్వంలో రూపొందిస్తున్న చిత్రం ‘కల్ట్’. సందీప్ కాకరాల నిర్మిస్తున్నారు. భారతదేశపు తొలి అథెంటిక్ స్లాషర్ థ్రిల్లర్‌ ఇది. తరుణ్ భాస్కర్ డైలాగ్స్‌ రాస్తున్నాడు. శనివారంతో ఈ మూవీ షూటింగ్ పూర్తయింది.
రామోజీ ఫిల్మ్‌‌‌‌‌‌‌‌సిటీలో వేసిన భారీ సెట్‌‌‌‌‌‌‌‌లో వందలాది మంది మోడల్స్‌‌‌‌‌‌‌‌లతో -50 రోజుల పాటు కీలక సన్నివేశాలు చిత్రీకరించారు. ఈ సీన్స్ సినిమాకు హైలైట్‌‌‌‌‌‌‌‌గా నిలుస్తాయని మేకర్స్ తెలియజేశారు. ఇప్పటికే విడుదలైన టీజర్‌‌‌‌‌‌‌‌‌‌‌‌‌‌‌‌కు మంచి రెస్పాన్స్ రాగా, సినిమాపై అంచనాలు పెరిగాయి.
గాయత్రి భరద్వాజ్ హీరోయిన్‌‌‌‌‌‌‌‌గా నటిస్తున్న ఈ చిత్రంలో మురళీ శర్మ, శ్రీకాంత్ అయ్యంగార్, తారక్ పొన్నప్ప కీలక పాత్రలు పోషిస్తున్నారు. రవి బస్రూర్ సంగీతం అందిస్తున్నాడు. భారతీయ భాషలతో పాటు, విదేశీ భాషలలో రూపొందుతున్న ఈ చిత్రం అక్టోబర్ 30న ప్రేక్షకుల ముందుకు రాబోతోంది.
