ప్రముఖ సీనియర్ నటుడు చలపతిరావు మృతిపట్ల బీజేపీ జాతీయ కార్యవర్గ సభ్యులు వివేక్ వెంకటస్వామి సంతాపం తెలిపారు. చలపతిరావు కుటుంబ సభ్యులకు తన ప్రగాఢ సానుభూతిని తెలియజేశారు. చలపతిరావు మృతి ఇండస్ట్రీకి తీరని లోటని వివేక్ వెంకటస్వామి అభిప్రాయపడ్డారు.
78 ఏళ్లున్న చలపతిరావు ఇవాళ తెల్లవారుజామున హైదరాబాద్ లోని తన నివాసంలో గుండెపోటుతో తుదిశ్వాస విడిచారు. గత కొంతకాలంగా అనారోగ్య సమస్యలతో చలపతిరావు బాధపడుతున్నారు. దీంతో ఆయన నటనకు దూరంగా ఉంటున్నారు. రెండు రోజుల క్రితమే సీనియర్ నటులు కైకాల సత్యనారాయణ మృతిచెందగా.. ఇప్పుడు చలపతిరావు ఆకస్మిక మరణంతో టాలీవుడ్‌ చిత్ర పరిశ్రమలో తీవ్ర విషాదం నెలకొంది.
