- 7 నియోజకవర్గాల్లో 16,50,175 మంది
- పురుషుల కంటే మహిళా ఓటర్లే అధికం
ఆదిలాబాద్/ ఆదిలాబాద్టౌన్, వెలుగు: ఆదిలాబాద్ పార్లమెంట్ పరిధిలో ఓటర్ల లెక్క తేలింది. సోమవారం ఓటర్ల ఫైనల్లిస్ట్ను ఎన్నికల సాధారణ పరిశీలకుడు రాజేంద్ర విజయ్, జిల్లా ఎన్నికల రిటర్నింగ్ అధికారి రాజర్షి షా ప్రకటించారు. ఆదిలాబాద్ పార్లమెంట్ పరిధిలోని 7 అసెంబ్లీ నియోజకవర్గాల్లో మొత్తం 16,50,175 మంది ఓటర్లు ఉన్నట్లు తేల్చారు. జాబితాలో పురుషుల కంటే మహిళా ఓటర్లు 36,338 మంది ఎక్కువగా ఉండటం విశేషం. మొత్తం 7 అసెంబ్లీ నియోజకవర్గాల్లోనే వారిదే ఆధిపత్యం. దీంతో పార్లమెంట్ ఎన్నికల్లో మహిళా ఓటర్ల ప్రభావం ఎక్కువగా ఉంటుందని రాజకీయ విశ్లేషకులు అభిప్రాయపడుతున్నారు.
190 మైక్రో అబ్జర్వర్ల కేటాయింపు
ఆదిలాబాద్పార్లమెంట్పరిధిలోని లోక్ సభ ఎన్నికలకు సంబంధించి 7 నియోజక వర్గాలకు 190 మంది మైక్రో అబ్జర్వర్లను కేటాయించినట్లు అధికారులు తెలిపారు. ఈ సందర్భంగా కలెక్టరేట్ ఎన్ఐసీ మీటింగ్ హాల్లో సోమవారం మైక్రో అబ్జర్వర్స్ ర్యాండమైజేషన్ నిర్వహించారు. పార్లమెంట్పరిధిలోని ఆదిలాబాద్కు 14, బోథ్కు 30, ఆసిఫాబాద్ కు 24, సిర్పూర్కు16, నిర్మల్కు 30, ఖానాపూర్ కు 49, ముథోల్కు 27 మొత్తం 190 మైక్రో అబ్సర్వర్స్ను కేటాయించినట్లు తెలిపారు. ఈ కార్యక్రమంలో అడిషనల్కలెక్టర్ శ్యామలాదేవి, ఆదిలాబాద్, నిర్మల్, ఆసిఫాబాద్ ఈడీఎంలు, జిల్లా విద్యా శాఖ అధికారులు, ఎన్నికల సిబ్బంది తదితరులు పాల్గొన్నారు.
