ఢిల్లీ ఎన్నికల ప్రచారంలో ప్రధాని మోడీ
న్యూఢిల్లీ: మనపై దాడిచేసే అవకాశాన్ని శత్రువులకు ఇచ్చే ప్రభుత్వం ఢిల్లీకి అక్కర్లేదంటూ ప్రధాని నరేంద్ర మోడీ పరోక్షంగా ఆప్ సర్కారుపై మండిపడ్డారు. దేశ భద్రతకు సంబంధించిన అంశాలకు, ఆర్టికల్ 370 రద్దుకు, సీఏఏకు మద్ధతుగా నిలిచే ప్రభుత్వమే ఢిల్లీలో ఏర్పడాలని అన్నారు. ఈమేరకు మంగళవారం ఢిల్లీలోని ద్వారకలో జరిగిన బీజేపీ ఎన్నికల ప్రచార సభలో ఆయన మాట్లాడారు. ప్రజాసమస్యలను, అభివృద్ధిని పక్కనపెట్టి బ్లేమ్గేమ్తో కాలంగడిపే ప్రభుత్వం అక్కర్లేదన్నారు. ఢిల్లీలో ఆయుష్మాన్భారత్ను అమలుచేయకపోవడాన్నీ ప్రధాని ప్రస్తావించారు.
‘‘ఆయుష్మాన్ భారత్కు ‘మొహల్లా క్లినిక్స్’ ఆల్టర్నేటివ్ అని ఆప్ చెబుతోంది.. మీరు ఢిల్లీ దాటి వెళ్లినపుడు సుస్తీ అయితే అక్కడ ఈ క్లినిక్స్ ఉపయోగపడతాయా”అని ప్రశ్నించారు. ‘మీకళ్ల ముందే దేశం మారిపోతోంది.. ఢిల్లీలోనూ మార్పు తీసుకురావాల్సిన టైమొచ్చింది. బాట్లా హౌస్ టెర్రరిస్టుల కోసం ఆప్, కాంగ్రెస్ పార్టీలు ఏడవడమూ మీకు తెలుసు.. దేశ సైనిక బలగాలను అవమానించిన వాళ్లకు బుద్ధి చెప్పేలా ఈ ఎన్నికల్లో బీజేపీకి ఓటేయండి’ అంటూ ప్రధాని మోడీ ఢిల్లీ ప్రజలకు పిలుపునిచ్చారు.
