వారఫలాలు: జ్యోతిష్య నిపుణులు తెలిపిన వివరాల ప్రకారం.. మేషరాశి నుంచి .. మీనరాశి వరకు ఈ వారం (ఆగస్టు 24 నుంచి ఆగస్టు 30 వ తేది వరకు) రాశి ఫలాలను తెలుసుకుందాం...
మేష రాశి: ఈ వారం ఈ రాశి వారికి అనుకూలంగా ఉంటుంది. గతంలో ఉన్న సమస్యలకు పరిష్కారం లభిస్తుంది ఉద్యోగంలో ఒకటి రెండు ఊహించని శుభవార్తలు వింటారు. కుటుంబంలో కూడా శుభ పరిణామాలు చోటు చేసుకుంటాయి. ఏ ప్రయత్నం తలపెట్టినా విజయవంతం అవుతుంది. ఖర్చు విషయంలో జాగ్రత్తగా ఉండండి. కొత్త వస్తువులు కొనుగోలు చేస్తారు. వ్యాపారస్తులు కొత్తగా పెట్టుబడులుపెట్టేందుకు అనుకూల సమయమని పండితులు చెబుతున్నారు. ప్రేమ.. పెళ్లి వ్యవహారాలు అనుకూలంగా ఉన్నాయి.
వృషభ రాశి: ఈ రాశి వారికి అన్ని విధాలా అనుకూలంగా ఉంటుంది. ఉద్యోగులు కొత్త అవకాశాలు అందుకునే అవకాశాలు ఉన్నాయి. ఆర్థిక వ్యవహారాల్లో ఆచితూచి నిర్ణయం తీసుకోవాలి. వ్యాపారాలు సానుకూలంగా సాగిపోతాయి. వృత్తి, ఉద్యోగాల పరంగా ఒకటి రెండు శుభ పరిణామాలు చోటు చేసుకుంటాయి. ఆకస్మిక ధనలాభం ఉంటుంది. ప్రేమ వ్యవహారాలు సంతృప్తికరంగా సాగి పోతాయి.ఆరోగ్యం పట్ల శ్రద్ధ తీసుకోవాలని పండితులు సూచిస్తున్నారు.
మిథున రాశి: ఈ వారం మీకు శుభప్రదంగా ఉంటుంది. మీ పనులు సకాలంలో పూర్తవుతాయి. ఉద్యోగానికి సంబంధించి ఎటువంటి ప్రయత్నం తలపెట్టినా సఫలమవుతుంది. అనేక మార్గాలలో ఆదాయం పెరుగుతుంది. పట్టిందల్లా బంగారం అవుతుంది. వ్యాపారస్తులకు అన్ని విధాలా అనుకూలంగా ఉంటుంది. ఉద్యోగస్తులకు కొద్దిపాటి ఇబ్బందులు వస్తాయి. మాట పట్టింపునకు పోకుండా మీ పని మీరు చేసుకోండి. ఆర్థికంగా ఎలాంటి ఇబ్బంది ఉండదు. నిరుద్యోగులు ఆశించిన సంస్థలో ఉద్యోగం సంపాదించే అవకాశం ఉంది. ప్రేమ వ్యవహారాలు హ్యాపీగా సాగిపోతాయి.ఆరోగ్య విషయంలో జాగ్రత్తలు తీసుకోవాలని పండితులు సూచిస్తున్నారు.
కర్కాటక రాశి: ఈ వారం ఈ రాశి వారు ఏ పని చేపట్టినా సకాలంలో పూర్తవుతుంది. మీరు తీసుకొనే నిర్ణయం లైఫ్ టర్నింగ్ పాయింట్ అయ్యే అవకాశం ఉంది. ఉద్యోగస్తులకు ఎలాంటి ఇబ్బంది ఉండదు. ఆర్థికంగా పురోగతి ఉంటుంది. జీవితభాగస్వామి మద్దతుతో అన్ని పనులు పూర్తి చేస్తారు. వ్యాపారాల్లో రాబడి ఆశించిన స్థాయిలో పెరిగే అవకాశం ఉంది. ఆదాయం అంచనాలకు మించి వృద్ధి చెందుతుంది.
సింహ రాశి: ఈ వారం మీకు ఆర్థికంగా కలిసి వస్తుంది.కొన్ని ఊహించని సంఘటనలు మానసిక అశాంతిని కలిగిస్తాయి. డబ్బు లావాదేవీలలో జాగ్రత్తగా ఉండాలని పండితులు సూచిస్తున్నారు. వారం మధ్యలో లిక్విడ్ ఫండ్స్ పెరుగుతాయి. ఇతరులతో మాట్లాడే విషయంలో అప్రమత్తంగా ఉండండి. ఉద్యోగస్తులకు సామాన్య ఫలితాలుంటాయి. వ్యాపారస్తులు కొత్తగా పెట్టుబడులు పెట్టకపోవడమే మంచిదని పండితులు సూచిస్తున్నారు. ప్రేమ... పెళ్లి విషయాలను తాత్కాలికంగా వాయిదా వేయండి.
కన్యా రాశి: ఈ వారం మీరు మీ కుటుంబ సభ్యులతో ఎక్కువ సమయం గడుపుతారు. పెళ్లి ప్రయత్నాలు ఒక కొలిక్కి వస్తాయి. తలపెట్టిన పనులన్నీ నిదానంగా పూర్తవుతాయి. ఆర్థిక పరిస్థితి నిలకడగా ఉంటుంది. ఒకటి రెండు ఆర్థిక, వ్యక్తిగత సమస్యలు పరిష్కారమవుతాయి. వ్యాపారస్తులు కొత్తగా పెట్టుబడులు పెట్టకపోవడమే మంచిదని పండితులు సూచిస్తున్నారు. ఆదాయానికి లోటుండదు కానీ, కుటుంబ ఖర్చులు బాగా పెరుగుతాయి. అనవసర పరిచయాలకు దూరంగా ఉండడం మంచిది. వాహనం నడిపేటప్పుడు జాగ్రత్తలు తీసుకోండి.
తులా రాశి: ఈ వారం ఈ రాశి వారికి ఆర్థిక వ్యవహారాలు చాలావరకు అనుకూలంగా సాగిపోతాయి. ఉద్యోగస్తులకు ఎలాంటి ఇబ్బంది లేకుండా సాఫీగా పోతుంది. అధికారుల నుంచి ప్రశంశలు అందుకుంటారు. ఉద్యోగంలో బాధ్యతల్లో కీలక మార్పులు జరిగే అవకాశం ఉందని పండితులు చెబుతున్నారు. వ్యాపారస్తులు అధికంగా లాభాలు చేపట్టిన పనులను సంతృప్తికరంగా పూర్తి చేస్తారు.
వృశ్చిక రాశి: ఈ రాశి వారికి కొన్ని వ్యక్తిగత సమస్యలు పరిష్కారమవుతాయి. ఉద్యోగస్తులకు ఆశించిన పురోగతి ఉంటుంది. వృత్తి... వ్యాపారాలు సామాన్యంగా సాగిపోతాయి. ఇంటా బయటా సమర్థవంతంగా బాధ్యతలు నిర్వర్తిస్తారు. ఉద్యోగపరంగానూ, ఆర్థికంగానూ ఆశించిన స్థిరత్వం ఏర్పడడానికి అవకాశం ఉంది. కొద్దిగా అనారోగ్య సూచనలున్నప్పటికీ మొత్తం మీద వారమంతా అనుకూలంగా గడిచిపోతుంది. వ్యాపారాల్లో లాభాలకు లోటుండదు. . ప్రేమ వ్యవహా రాల్లో కొద్దిపాటి చికాకులుంటాయి. ఈ వారం ఎవరికీ వాగ్దానాలు చేయడం గానీ, హామీలు ఉండడం కానీ చేయవద్దని పండితులు సూచిస్తున్నారు.
ధనుస్సు రాశి: ఈ వారం మీరు మీ స్నేహితులతో కలిసి విహారయాత్రకు వెళ్ళే అవకాశం ఉంది. కొత్త ఆదాయ మార్గాలు ఏర్పడే అవకాశం ఉంది. కొత్త వస్తువులు కొనుగోలు చేస్తారు. ప్రతి విషయాన్ని ఆలోచించి నిర్ణయం తీసుకోండి. విలాసాలకు పోవడం మంచిది కాదు. దుబారాను మానేయండి. ఆస్తిపాస్తుల కొనుగోలు, అమ్మకాల్లో జాగ్రత్తగా నిర్ణయాలు తీసుకోండి. ఇతరులతో మాట్లాడేటప్పుడు బీ అలర్ట్. అదృష్టం వరిస్తుంది కానీ సోమరితనం కారణంగా నష్టపోయే అవకాశం ఉందని పండితులు సూచిస్తున్నారు. ప్రేమికులకు పెద్దల అంగీకారంతో వివాహ సంబందం కుదిరే అవకాశం ఉంది.
మకర రాశి: ఈ రాశి వారు ఈ వారం రిస్క్ తీసుకోవద్దని పండితులు సూచిస్తున్నారు. వారం ప్రారంభంలో చేపట్టిన పనుల్లో ఆలస్యం అయినా.. వారం మధ్యలో పుంజుకుంటాయి. ఆర్థిక పరిస్థితి బలపడే అవకాశాలున్నాయి. వారం చివరిలో కెరీర్ గురించి మంచి నిర్ణయం తీసుకొనే అవకాశం ఉందని పండితులు సూచిస్తున్నారు. వృత్తి .. ఉద్యోగాల్లో కీలక పనిభారం పెరగడంతో పాటు కీలక బాధ్యతలు పోషించాల్సి వస్తుంది. ఉద్యోగస్తులకు ఎలాంటి ఇబ్బంది ఉండదు. వ్యాపారస్తులు పెట్టుబడులు పెట్టే విషయంలో ఆలోచించి నిర్ణయం తీసుకోవాలని పండితులు సూచిస్తున్నారు.
కుంభ రాశి: ఈ రాశి వారికి ఈ వారంలో శుభ పరిణామాలు చోటు చేసుకునే అవకాశం ఉంది. వృత్తి, ఉద్యోగాల్లో అంచనాలకు మించిన పురోగతి సాధిస్తారు. ఆర్థిక విషయాల్లో జాగ్రత్తగా ఉండండి. వ్యాపారాలు లాభసాటిగా ముందుకు సాగుతాయి. ఉద్యోగస్తులు కార్యాలయంలో కీలక పాత్ర పోషించే అవకాశం ఉంది. ఉన్నతాథికారుల నుంచి ప్రశంశలు అందుకుంటారు. కుటుంబ జీవితం ప్రశాంతంగా సాగిపోతుంది. నిరుద్యోగులకు దూర ప్రాంతం నుంచి ఆఫర్ వస్తుంది. పెళ్లి ప్రయత్నాలు ఒక కొలిక్కి వస్తాయి.
మీన రాశి: ఈ వారం ఈ వారం హ్యాపీగా సాగిపోతుంది. కొత్తగా ఆదాయ మార్గాలను ఏర్పరచుకునేందుకు ప్రయత్నాలు ప్రారంభిస్తారు. ముఖ్యమైన పనులు, వ్యవహారాల్ని పట్టుదలగా పూర్తి చేస్తారు. ఆర్థిక పరిస్థితి ఇతరులకు సహాయం చేసే స్థితిలో ఉంటుంది. ఉద్యోగస్తులకు పనిభారం పెరుగుతుంది. వ్యాపారస్తులకు మిశ్రమ ఫలితాలుంటాయి. నిరుద్యోగులు మంచి జాబ్ కోసం కొంతకాలం వేచి ఉండాల్సిన పరిస్థితులు ఉంటాయని జ్యోతిష్య నిపుణులు చెబుతున్నారు.. వృత్తి, ఉద్యోగాల్లో ప్రతిభా పాటవాలు వెలుగు లోకి వస్తాయి. అధికారులకు బాగా ఉపయోగపడతారు. ఆశించిన ఆదరణ, ప్రోత్సాహం ప్రేమ వ్యవహారాలు చాలావరకు ఉత్సాహంగా సాగిపోతాయి. శుభవార్తలు ఎక్కువగా వింటారు.
