న్యూఢిల్లీ: వాయిస్ కాల్ అయినా, వీడియో కాల్ అయినా ఇప్పటిదాకా వాట్సాప్లో నలుగురితోనే కాన్ఫరెన్స్ కాల్ మాట్లాడే వీలుండేది. కరోనా పుణ్యమా అని ఆ సంఖ్య రెట్టింపు కానుంది. 8 మందితో కాన్ఫరెన్స్ కాల్ మాట్లాడుకునే వెసులుబాటును త్వరలోనే వాట్సాప్ కల్పించనుంది. లాక్డౌన్తో అందరూ ఇళ్లలోనే ఉండడంతో ఫ్రెండ్స్, చుట్టాలను ఫోన్లలో పలకరించే వాళ్లు ఎక్కువైపోయారు. ఈ నేపథ్యంలోనే కాన్ఫరెన్స్లో ఎక్కువమంది మాట్లాడుకునేలా ఉంటే బాగుండని చాలా మంది నుంచి డిమాండ్లు వచ్చాయి. అందుకే వాట్సాప్ ఈ నిర్ణయం తీసుకుంది. ఐవోఎస్ వెర్షన్ 2.20.50.23 లేదా ఆపైన, ఆండ్రాయిడ్ వెర్షన్ 2.20.128 లేదా ఆపైన వాటిలో పనిచేసేలా కోడ్ తయారు చేసింది.
