ఆ ఇన్ఫర్మేషన్ అందిన వెంటనే పోలీసులు అక్కడికి వచ్చి చుట్టుపక్కలంతా వెతికారు. బయట ఎక్కడా అనుమానాస్పదంగా ఏమీ కనిపించలేదు. ఇలాగైతే లాభం లేదని ఇళ్లల్లో వెతకడం మొదలుపెట్టారు. అప్పుడు కానీ అసలు విషయం బయటపడలేదు. కాస్త దూరంగా ఉన్న ఒక ఇంటి పరిసర ప్రాంతాల్లోకి వెళ్లగానే ముక్కుపుటాలు అదిరిపోయే దుర్వాసన. దాంతో అక్కడే ఏదో జరిగిందని డిసైడ్ అయ్యారు పోలీసులు. వెంటనే ముక్కులకి మాస్క్లు కాస్త గట్టిగా బిగించుకున్న ఒక టీం ఆ ఇంటిలోకి వెళ్లింది.
లోపలికి వెళ్లిన వాళ్లకి హాల్లో ఏమీ దొరకలేదు. అలానే వెతుకుతూ బెడ్రూమ్లోకి వెళ్లారు. అక్కడ రెండు డెడ్బాడీస్ కనిపించాయి. అందులో ఒకరు ఆడ, మరొకరు మగ. ఆ ఇద్దరూ చనిపోయి చాలా రోజులే అయి ఉంటుంది అనుకున్నాడు ఆ టీంని లీడ్ చేస్తున్న ఆఫీసర్. వాళ్లకు సంబంధించిన వివరాల కోసం చుట్టుపక్కల వాళ్లని ఆరా తీశారు పోలీసులు. చనిపోయిన ఇద్దరిలో ఆమె పేరు మేడమ్ మే ప్రెస్కాట్, అతని పేరు ఫ్రెడ్ అని తెలిసింది.
వాళ్లిద్దరూ భార్యాభర్తలు.
వాళ్లు చనిపోయిన ప్రాంతం చాలా బీభత్సంగా ఉంది. డెడ్ బాడీస్ పడున్న ప్లేస్కి కొద్ది దూరంలో ఉన్న రక్తపు మరకలను చెరిపేసేందుకు కాబోలు అక్కడ మంట పెట్టారు. అక్కడంతా మసి ఉంది. క్లూస్ కోసం వెతుకుతుంటే వాళ్లకి ఒక పేపర్ ముక్క కనిపించింది. అందులో – ‘‘నాకు, మేకి మధ్య భయంకరమైన గొడవ అయ్యింది. ఆవేశంలో మేని చంపేశాను” అని రాసి ఉంది. అది చదివిన తరువాత బహుశా మేని చంపేసి, ఫ్రెడ్ రాసి ఉంటాడు. ఆ తరువాత పశ్చాత్తాపంతో ఆత్మహత్య చేసుకుని ఉంటాడు అనుకున్నారు. కానీ క్రైం సీన్ చూస్తే ఆ స్లిప్లో రాసిన దానికి పొంతన లేదు.
ఫ్రెడ్ గొంతు మీద ఎడాపెడా చేతికొచ్చినట్టు కోసినట్టు ఉంది. ఇంకొక్క వేటు పడినా తల, మొండెం వేరైపోయేవి. తలకు ఒక పక్క చెవి నుంచి అవతలి పక్క చెవి వరకు విపరీతంగా గాయాలు. గన్తో తలలోకి కాల్చిన తాలూకు బుల్లెట్ గాయాలు. శరీరం, వీపు మీద లెక్కలేనన్ని కత్తి గాట్లు ఉన్నాయి. ఫ్రెడ్ చేతిలో గన్ పట్టుకున్నట్టు ఉంది. ఫ్రెడ్ డెడ్బాడీ పరిస్థితి అదయితే.. మేడమ్ మే గొంతు కోసిన గాయాలు కనిపించాయి. తుపాకీతో రెండు సార్లు కాల్చిన గాయాలు ఉన్నాయి. ఆ రూమ్ మొత్తం వెతికితే పోలీసులకు ఒక బుల్లెట్ దొరికింది. మర్డర్– సూసైడ్స్ జరుగుతూనే ఉంటాయి. కాబట్టి పోలీసులు ఈ కేసు విషయంలో మొదట అనుమానించలేదు. కానీ క్రైం సీన్లో ఒక విషయం మరొక విషయం పోలుస్తుంటే మాత్రం అనుమానాస్పదంగా అనిపించింది. ఆత్మహత్యే అయితే ఫ్రెడ్ గొంతును తనకు తనే అలా ఎలా కోసుకున్నాడు? ఒకవేళ తుపాకీతో కాల్చుకుని ఉంటే ఆ తరువాత గొంతు కోసుకోలేడు కదా? బెడ్రూమ్కి నిప్పు ఎవరు పెట్టారు? ఒకవేళ ఆ ఇద్దరూ గొడవ పడి మర్డర్–సూసైడ్ జరిగి ఉంటే ఆ ఇద్దరూ చనిపోయారు కదా? మంట ఎలా పెడతారు? ఫ్రెడ్ నోట్ చదివాక ఇన్వెస్టిగేషన్ ఆఫీసర్ బుర్రలో ఎన్నో అనుమానాలు. దీని వెనక ఇంకా ఏదో ఉందనిపించింది.
మరింత లోతుగా విచారణ మొదలుపెట్టారు. మే... వర్కింగ్ గర్ల్స్ డెన్కు మేడమ్గా పనిచేసేది. అందుకే ఆమెను అంతా మేడమ్ మే అని పిలిచేవారు కాబోలు. ఆ విషయం ఈ కేసులో ఏ విధంగానూ అక్కరకు రాలేదు. ఒకవేళ వెస్టర్న్ టౌన్ అండర్ వరల్డ్ మాఫియా దీని వెనక ఉందా అని కూడా ఆలోచించారు. నెల రోజులకి పైనే పరిశోధించారు. కానీ కేసు సాల్వ్ కాలేదు. ఆ తరువాత కొన్ని వారాల పాటు ఎందరినో విచారించారు. ఆ తరువాత కేసును గ్రాండ్ జ్యూరీ ముందు పెట్టారు. ఇన్వెస్టిగేషన్ ఆఫీసర్లు అనుమానించిన దానికి ఇంకొన్ని అనుమానాలు జోడించింది ఆ జ్యూరీ.
ఎన్నో విధాలుగా పరిశీలించాక ఆ జంటను గుర్తు తెలియని పార్టీ లేదా పార్టీలు హత్య చేసి ఉంటాయనే కన్క్లూజన్కు వచ్చారు. అంతేకానీ కేసు మాత్రం పరిష్కారం కాలేదు. వారాల తరబడి రకరకాల ఎవిడెన్స్లు సేకరించారు. పరిష్కారం కాని ఈ కేసుకు సంబంధించిన ఆ ఇల్లు ఇప్పటికీ గ్రాండ్ కెన్యన్ ఇంటర్నేషనల్ యూత్ హోటల్కి ముందువైపు ఉంటుంది. దీన్ని ఫ్లాగ్స్టాఫ్ డౌన్టౌన్ హంటెడ్ లొకేషన్స్లో లిస్ట్ కూడా చేయలేదు. ఈ హత్యల గురించి ఒక పుస్తకం కూడా వచ్చింది. ఎలాంగ్ రూట్ 66 అనే ఆ పుస్తకం ప్రకారం... హత్యలు జరిగిన కొద్ది కాలంలోనే ఆ ఇంటిని కె జె నకర్డ్ కొనుక్కున్నాడు. అందులోనే ఉన్నాడు. దాని చుట్టూ డౌన్టౌనర్ ఆటో కోర్టు కూడా కట్టాడు. ఇప్పటికీ ఆ హత్యలు ఎందుకు జరిగాయనేది మాత్రం అంతుచిక్కని మిస్టరీనే!