రెండు నెలల కిందట తనను తాను పోప్గా పేర్కొంటూ ఏఐ ఇమేజ్ క్రియేట్ చేసుకుని అభాసుపాలైన ట్రంప్.. తాజాగా సూపర్ మాన్ అవతార్ ఏఐ ఇమేజ్తో మరోసారి ట్రోలింగ్కు గురవుతున్నారు. గత మే నెలలో పోప్ లియో ఎన్నికకు ముందుగా ట్రంప్ స్వయంగా తాను పోప్ రూపంలో ఉన్నట్టుగా ఏఐ ఇమేజ్ను ట్రూత్ సోషల్లో పోస్ట్ చేయగా.. నెటిజన్లు తీవ్రంగా మండిపడ్డారు. దీంతో అది జస్ట్ సరదాగా చేశానంటూ ట్రంప్ సమర్థించుకున్నారు.
తాజాగా సూపర్ మాన్ సినిమా విడుదల సందర్భంగా అమెరికా అధ్యక్ష భవనం (వైట్ హౌస్) ట్రంప్ను సూపర్ మాన్ రూపంలో క్రియేట్ చేసిన ఏఐ ఇమేజ్ను ఎక్స్లో పోస్ట్ చేసింది. ‘‘అమెరికన్ల ఆశ, న్యాయం, మార్గానికి ప్రెసిడెంట్ ట్రంప్ ఒక సింబల్” అంటూ ఈ ఫొటోకు క్యాప్షన్ పెట్టింది. దీంతో నెటిజన్లు వైట్ హౌస్ తీరుపై మండిపడుతున్నారు. వైట్ హౌస్ ఇలా ఒక జోక్ హౌస్గా మారిపోతుందని అనుకోలేదు.. ట్రంప్ న్యాయాని కి, ఆశకు ప్రతీక కాదు.. ఆయన చైల్డ్ సెక్స్ అఫెండర్ జెఫ్రీ ఎప్ స్టీన్ కు ప్రతీక అంటూ విమర్శిస్తున్నారు.
