నీకు టిక్టాక్ కావాలా.. నేను కావాలా..తేల్చుకో’ అడిగాడో భర్త! ‘నువ్వేమొద్దు.. నాకుటిక్టాకే ముద్దు’ తేల్చి చెప్పిందో భార్య!! బెంగళూరుకు చెందిన దంపతుల కాపురంలో టిక్టాక్ పెట్టిన చిచ్చిది. టిక్టాక్లో లక్షల మంది ఫాలోవర్లు.. చేసే వీడియోలకు లైకులు, షేరింగులు..అవన్నీ నచ్చిన ఆమె, 12 ఏళ్ల తన పెళ్లి బంధానికి బైబై చెప్పింది. భర్తను కాదని టిక్టాక్నే ఎంచుకుంది. 2008లో వాళ్లిద్దరికీ పెళ్లయింది. 2014లో వాళ్లకు కొడుకు పుట్టాడు. తర్వాత సౌదీ అరేబియాలో జాబ్ రావడంతో అక్కడికి వెళ్లిపోయాడు భర్త. అప్పట్నుంచి పక్కింటామె రిక్వెస్ట్తో టిక్టాక్లో ఎంటరైన ఆ భార్య, దానికి అడిక్ట్ అయిపోయింది. తరచూ వీడియోలు పోస్ట్ చేసేది. దీంతో ఆమెకు ఫాలోవర్లు పెరిగిపోయారు. కొన్నేళ్లలోనే లక్షల మంది ఫాలోవర్లు ఆమెకు జమ అయ్యారు .
గత ఏడాది ఆమె భర్తకు, తన స్నేహితుడు ఆమె చేసిన టిక్టాక్ వీడియో పంపడంతో కంగు తిన్నాడు. ఆ వీడియోలో ఆమె అసభ్యంగా డ్యాన్స్ చేయడం, దానికి లక్షలాది లైకులు, అసభ్యకామెంట్లు రావడంతో భర్తకు కోపమొచ్చింది. ఫోన్ చేసి భార్యను నిలదీశాడు. వీడియో కాల్ చేసి భార్యతో గొడవపడ్డాడు. అయితే, తానేమీ అసభ్యంగా డ్యాన్స్ చేయలేదని, అతడి ఫ్రెండే తన వీడియోను మార్ఫ్ చేశాడని ఆమె వాపోయింది. అయితే, ఆమె చెప్పిన మాటలు నమ్మని భర్త, గతఏడాది అక్టోబర్ లో మంచి జీతం వస్తున్న జాబ్ ను వదిలేసి ఇండియాకు వచ్చేశాడు. ఫోన్లో భార్య చేసిన టిక్టాక్ వీడియోలను చూశాడు.అయితే, తనను అనుమానిస్తున్నావంటూ భార్యఏడ్చేసింది. కానీ, ఇంట్లోనే చేసిన ఓ వీడియోతో భార్య గుట్టంతా బయటపడిపోయింది. గట్టిగా నిలదీస్తే తానే ఆ వీడియోలు చేశానని ఒప్పుకుంది. దీంతో భర్త పోలీసుల దగ్గరకు వెళ్లాడు. పోలీసులు అతడిని ఫ్యామిలీ కౌన్సిలర్ దగ్గరకు పంపించారు. అక్కడ టిక్టాక్ వదిలేయాలని భర్త మందలించినా భార్య వినలేదు. తాను టిక్టాక్ను వదిలిపెట్టేది లేదని తేల్చి చెప్పింది. లక్ష-లాది మంది అభిమానులను నిరాశపరచలేనని తెలిపింది. అయితే, వాళ్లిద్దరి మధ్యా రాజీ కుదిర్చేందుకే తాము ప్రయత్నిస్తున్నామని ఫ్యామిలీ కౌన్సిలర్ ఇక్బాల్ అహ్మద్ చెప్పారు.