ఏడు సంవత్సరాల బాలుడు అనుకోకుండా ఆపిల్ ఎయిర్‌పాడ్‌ను మింగిన ఘటన అమెరికాలో జరిగింది. క్రిస్మస్ గిఫ్ట్‌గా వచ్చిన ఎయిర్‌పాడ్‌ను బాలుడు మింగడంతో అతని తల్లిదండ్రులు ఆస్పత్రికి తీసుకువెళ్లి డాక్టర్లకు చూపించారు. జార్జియాలోని అట్లాంటాలోని చిల్డ్రన్స్ హెల్త్‌కేర్ ఆస్పత్రిలో ఈ విషయం వెలుగులోకి వచ్చింది. డాక్టర్లు తీసిన ఎక్స్ రేలో.. ఎయిర్‌పాడ్‌ కడుపులో ఎటు కదలకుండా ఉండటంతో పాటూ చెక్కుచెదరకుండా ఉందని తేలింది. డాక్టర్లు ఆ గాడ్జెట్ దానంతట అదే బయటకు వెళ్తుంది అని చెప్పారు. దాంతో అతని తల్లిదండ్రులు మరో ప్రయత్నం చేయలేదు. బాలుడు ఎయిర్‌పాడ్‌ను మింగిన తర్వాత.. ఎటువంటి అనారోగ్యానికి గురికాలేదు. ప్రస్తుతం ఆ బాలుడు ఇంట్లోనే విశ్రాంతి తీసుకుంటున్నాడు. ఆ ఘటనతో బాలుడు మరింత భయపడ్డాడని అతని తల్లి తెలిపింది. ఏ ప్రమాదం లేదని, భయపడవద్దని బాలునికి చెప్పినట్లు అతని తల్లి తెలిపింది. ఎవరైనా ఎయిర్‌పాడ్‌ను మింగడం ఇదే మొదటిసారి కాదు. గత సంవత్సరం తైవాన్‌కు చెందిన వ్యక్తి కూడా అనకోకుండా ఎయిర్‌పాడ్‌ను మింగాడు.
