యూఏఈలో ఓ మహిళ షాపింగ్‌కు రానని మొండికేసిన భర్తను చెప్పుతో కొట్టింది. ఇలా ఒకటీ రెండు సార్లు కాదు.. షాపింగ్‌కు రానన్న ప్రతీసారి కొట్టి మరీ తీసుకెళ్లింది. చిర్రెత్తిన భర్త పోలీసుల్ని ఆశ్రయించడంతో సదరు మహిళపై కేసు నమోదైంది. విషయానికొస్తే ఓ రోజు డ్యూటీకి వెళ్లొచ్చి నిద్రపోయిన భర్తను రియో అనే మహిళ షాపింగ్‌కు రావాలని లేపింది. అలసిపోయానని, రాలేనని చెప్పడంతో అతడి జేబులోంచి ఏటీఎం కార్డు తీసుకుని పిన్‌ నంబర్‌ అడిగింది. అతను చెప్పకపోవడంతో పట్టరాని కోపంతో ఊగిపోయిన రియో చెప్పు తీసుకుని ఇష్టమొచ్చినట్టు బాదేసింది. వెంటనే లేచి భర్త పోలీసుల వద్దకెళ్లి జరిగింది చెప్పాడు. దీంతో పోలీసులు ఆమెపై కేసు ఫైల్‌చేసి కోర్టు ముందు నిలబెట్టారు. పెళ్లై ఆరేళ్లయిందని, ఇద్దరు పిల్లలున్నారని, కుటుంబం కోసం ఏం ఖర్చు చేయకపోవడంతోనే ఇలా చేశానని కోర్టుకు రియో తెలపగా.. అదేం కాదు.. కావాలనే ఇలా కొట్టిందని, వాట్సాప్‌లో అవమానకరంగా పెట్టిన మెసేజ్‌లను కోర్టు ముందుంచాడు భర్త. వీరి విషయంలో ఎటూ తేల్చుకోలేని జడ్జి కేసును ఆగస్టు 22కు వాయిదా వేశాడు.
