ఓ మహిళ చీరకట్టులో జిమ్లో వ్యాయామం చేస్తున్న వీడియో ప్రస్తుతం సోషల్ మీడియాలో వైరల్ అవుతోంది. రీనా సింగ్ అనే మహిళ చీరకట్టులోనే పలు రకాల వ్యాయామాలు చేసింది. లారీ టైర్ను ఎత్తి ఆమె వ్యాయామాలు చేసింది. అంతేకాకుండా జంపింగ్, లిఫ్టింగ్, లాట్ ఫుల్ డైన్స్ వంటి అన్ని రకాల వ్యాయామాలను సునాయాసంగా చేస్తోంది. ఇది ప్రారంభం మాత్రమేనంటూ ఈ వీడియోను తన ఇన్స్టాగ్రామ్లో ఫోస్టు చేసింది.
సాధారంగా మహిళలు చీరకట్టుకుని జిమ్లో వ్యాయామం చేయడం కష్టమైన పని.. కాని రీనా సింగ్ అన్ని రకాల వ్యాయామాలను చీరకట్టులో సునాయాసంగా చేసి అందిరినీ అబ్బురపరుస్తోంది. రీనా సింగ్ సాధించిన ఫిట్ నెస్ను ప్రశంసిస్తూ నెటిజన్లు ప్రశంసల జల్లు కురిపిస్తున్నారు. ఆమె వీడియోను పోస్టు చేసిన కొద్ది గంటల్లోనే విపరీతంగా వైరల్ అయ్యింది. ఇప్పటికే ఈ వీడియో 3.5 కోట్ల మందికి పైగా చూశారు. అంతకుముందు కూడా తన ఫిట్ నెస్కు సంబంధించిన వీడియోలను ఆమె తన ఇన్స్ట్రాగ్రామ్లో పోస్టు చేసింది.
