భైంసా/నర్సాపూర్(జి),వెలుగు: ప్రజా సంగ్రామ యాత్రలో భాగంగా బీజేపీ స్టేట్చీఫ్ బండి సంజయ్ శనివారం రాంపూర్మీదుగా గుండంపల్లి ఎక్స్ రోడ్, దిలావర్పూర్, లోలం, సిర్గాపూర్వరకు 12 కిలో మీటర్లు నడిచారు. రాంపూర్నుంచి లోలం వరకు బండి సంజయ్పాదయాత్రలో యూత్పెద్ద సంఖ్యలో హాజరయ్యారు. రోడ్డు వెంట రైతులు, వ్యవసాయ కూలీలతో బండి సంజయ్ మాట్లాడి సమస్యలు తెలుసుకున్నారు. గుండంపల్లి, దిలావర్పూర్ వద్ద పంట చేలలోకి వెళ్లి రైతులతో కలిసి విత్తనాలు చల్లారు. కేంద్ర ప్రభుత్వం రైతులకు ఇస్తున్న సంక్షేమ పథకాలు వివరించారు. స్థానిక గవర్నమెంట్హైస్కూల్ను సందర్శించారు. విద్యార్థులతో చాలాసేపు మాట్లాడారు. రాష్ట్రంలో బీజేపీ ప్రభుత్వం వచ్చిన వెంటనే విద్యారంగ సమస్యలు పరిష్కరిస్తామని హామీ ఇచ్చారు. అనంతరం చారిత్రక ఎల్లమ్మ ఆలయంలో పూజలు చేశారు. దారిపొడువునా మహిళలు, యువకులు బండి సంజయ్తో సెల్ఫీలు దిగేందుకు పోటీ పడ్డారు. పాదయాత్రలో భారత్ మాతాకీ జై.. జై శ్రీరాం, రామలక్ష్మణ జానకీ.. జైబోలో హనుమాన్ కీ నినాదాలు మారుమోగాయి.
నిర్మల్, మంచిర్యాల లీడర్లతో మీటింగ్...
రాంపూర్ క్యాంపు వద్ద బండి సంజయ్ నిర్మల్, మంచిర్యాల జిల్లాల బీజేపీ లీడర్లు, కార్యకర్తలతో సమావేశమయ్యారు. ఇదే ఉత్సాహం నిరంతరం కొనసాగాలని సూచించారు. పార్టీ పటిష్ఠత కోసం కార్యకర్తలు పనిచేయాలన్నారు. వచ్చే ఎన్నికల్లో టికెట్ఎవరికి వచ్చినా కలిసికట్టుగా పనిచేయాలని సూచించినట్లు సమాచారం. రాష్ట్రంలో పార్టీ అధికారంలోకి రాగానే కార్యకర్తలందరికి అండగా ఉంటామని భరోసా ఇచ్చారు. సమావేశంలో పార్టీ రాష్ట్ర ఉపాధ్యక్షుడు గంగిడి మనోహర్ రెడ్డి, ఎంపీ సోయం బాపూరావు, యాత్ర సహ ప్రముఖ్ వీరేందర్గౌడ్, రాష్ట్ర అధికార ప్రతినిధి సంగప్ప, జిల్లా అధ్యక్షురాలు రమాదేవి, పెద్దపల్లి జిల్లా ఇన్చార్జి రావుల రాంనాథ్, ఆదిలాబాద్ పార్లమెంట్కన్వీనర్ అయ్యన్నగారి భూమయ్య, సీనియర్ లీడర్మల్లికార్జున్రెడ్డి, అప్పాల గణేశ్చక్రవర్తి, మెడిసెమ్మ రాజు, కరిపెల్లి గంగాధర్, మురళి, అంజుకుమార్రెడ్డి, నరేందర్, జానుబాయి, అలివెలు తదితరులు పాల్గొన్నారు.
